మెరిసిన సౌమ్య

హాంకాంగ్‌పై భారత్‌ గెలుపు

అలన్యా (టర్కీ): తెలుగమ్మాయి సౌమ్య గుగులోత్‌ కీలక సమయంలో గోల్‌ కొట్టడంతో టర్కీష్‌ మహిళల కప్‌లో భారత్‌ 2-0తో హాంకాంగ్‌ను ఓడించింది. 19వ నిమిషంలో అంజు తమాంగ్‌ స్కోరు చేయడంతో ఆధిక్యంలోకి వెళ్లిన భారత్‌.. సౌమ్య (79వ) బంతిని నెట్‌లోకి పంపడంతో విజయాన్ని ఖాయం చేసుకుంది. ఈ టోర్నీలో రెండో గెలుపుతో ఆరు పాయింట్లతో భారత్‌ రెండో స్థానంలో ఉంది. ఇన్నే పాయింట్లతో అగ్రస్థానంలో కొనసాగుతున్న కొసావోతో మంగళవారం భారత్‌ తలపడుతుంది. ఈ మ్యాచ్‌లో గెలిస్తే టైటిల్‌ సొంతమవుతుంది.