గాయత్రి జంట శుభారంభం

రూర్‌: జర్మనీ ఓపెన్‌ బ్యాడ్మింటన్‌ టోర్నమెంట్లో పుల్లెల గాయత్రి-ట్రీసా జాలీ జంట శుభారంభం చేసింది. బుధవారం మహిళల డబుల్స్‌ తొలి రౌండ్లో గాయత్రి ద్వయం 18-21, 21-11, 21-13తో సుయిన్‌-లిన్‌ యున్‌ జోడీపై గెలిచింది. మరో మ్యాచ్‌లో రుతుపర్ణ-శ్వేతపర్ణ జంట 17-21, 21-10, 14-21తో అమేలీ-కారా (జర్మనీ) జోడీ చేతిలో ఓడింది. సింగిల్స్‌లో ఆకర్షి కశ్యప్‌, సతీష్‌ కుమార్‌ ముందంజ వేశారు. పురుషుల తొలి రౌండ్లో సతీశ్‌ 21-18, 19-21, 21-19తో మిషా జిబర్‌మ్యాన్‌ (ఇజ్రాయిల్‌)ను ఓడించగా.. మహిళల్లో ఆకర్షి 21-23, 21-17, 21-11తో పొలీనా బహ్రోవా (ఉక్రెయిన్‌)పై కష్టపడి నెగ్గింది.