శ్రీలంక 531

ఛట్టోగ్రామ్‌: బ్యాటర్లు సమష్టిగా సత్తాచాటడంతో బంగ్లాదేశ్‌తో జరుగుతున్న రెండో టెస్టులో శ్రీలంక భారీ స్కోరు సాధించింది. ఓవర్‌నైట్‌ స్కోరు 314/4తో ఆదివారం తొలి ఇన్నింగ్స్‌ను కొనసాగించిన లంక.. దినేశ్‌ చండిమాల్‌ (59; 104 బంతుల్లో 5×4, 2×6), ధనంజయ డిసిల్వా (70; 111 బంతుల్లో 6×4, 2×6), కమిందు మెండిస్‌ (92 నాటౌట్‌; 167 బంతుల్లో 7×4, 2×6) అర్ధసెంచరీలు సాధించడంతో 531 పరుగులు చేసి ఆలౌటైంది. అనంతరం బ్యాటింగ్‌ మొదలుపెట్టిన బంగ్లా.. రెండో రోజు ఆట చివరికితొలి ఇన్నింగ్స్‌లో వికెట్‌ నష్టానికి 55 పరుగులు చేసింది. లంక స్కోరును అందుకోవాలంటే బంగ్లా మరో 476 పరుగులు సాధించాలి.