రోహిత్‌ వేలంలోకి రావాలే కానీ..

చండీగఢ్‌: వచ్చే ఏడాది ఐపీఎల్‌ మెగా వేలంలోకి రోహిత్‌శర్మ వస్తే ఎలాగైనా అతడిని దక్కించుకుంటామని పంజాబ్‌ కింగ్స్‌ సహ యజమాని ప్రీతి జింతా తెలిపింది. ముంబయి ఇండియన్స్‌ను అయిదుసార్లు ఐపీఎల్‌ ట్రోఫీ అందించిన రోహిత్‌కు ఛాంపియన్‌ దృక్పథం ఉందని.. అతడు జట్టుకు స్థిరత్వాన్ని తెస్తాడని జింతా భావిస్తోంది. ఇప్పటిదాకా ఐపీఎల్‌ ట్రోఫీ గెలవలేకపోయిన పంజాబ్‌.. ఈ సీజన్లోనూ రాణించలేకపోతోంది. 6 మ్యాచ్‌లు ఆడి 2 విజయాలే సాధించింది. ఈ సీజన్లో ముంబయి యాజమాన్యం కెప్టెన్‌గా రోహిత్‌ను తప్పించి హార్దిక్‌ పాండ్యకు పగ్గాలప్పగించిన సంగతి తెలిసిందే.