నకమురపై విదిత్‌ విజయం

టొరంటో: క్యాండిడేట్స్‌ చెస్‌ టోర్నమెంట్లో భారత గ్రాండ్‌మాస్టర్‌ విదిత్‌ గుజరాతి సత్తా చాటాడు. తొమ్మిదో రౌండ్లో అతడు రెండో సీడ్‌ హికరు నకముర (అమెరికా)పై విజయం సాధించాడు. టోర్నీలో విదిత్‌ ఇంతకుముందు కూడా నకమురపై నెగ్గాడు. గుకేశ్‌, ప్రజ్ఞానంద మధ్య గేమ్‌ డ్రాగా ముగిసింది. లీరెజా (ఫ్రాన్స్‌)తో గేమ్‌ను నెపోమ్నియాషి డ్రా చేసుకున్నాడు. టోర్నీలో మరో అయిదు రౌండ్లు మిగిలి ఉండగా.. గుకేశ్‌, నెపోమ్నియాషి (రష్యా) 5.5 పాయింట్లతో సంయుక్తంగా అగ్రస్థానంలో కొనసాగుతున్నారు. 5 పాయింట్లతో ప్రజ్ఞానంద మూడో స్థానంలో ఉన్నాడు. విదిత్‌, నకముర, కరువానా (అమెరికా) 4.5 పాయింట్లతో ఉమ్మడిగా నాలుగో స్థానంలో నిలిచారు. మహిళల విభాగంలో జ్యోంగి తాన్‌ (చైనా) చేతిలో వైశాలి (2.5) పరాజయంపాలైంది. లాగ్నో (రష్యా)తో గేమ్‌ను కోనేరు హంపి (4) డ్రాగా ముగించింది. ఆరు పాయింట్లతో తాన్‌ ఒంటరిగా అగ్రస్థానంలో ఉంది.