రోహిత్‌ ఓటమి

బిష్కెక్‌: ఆసియా రెజ్లింగ్‌ ఛాంపియన్‌షిప్‌లో రోహిత్‌ దహియా పోరాటం ముగిసింది. మంగళవారం 82 కేజీల విభాగం కాంస్య పోరులో ఈ భారత కుర్రాడు 1-3తో రసులోవ్‌ (ఉజ్బెకిస్థాన్‌) చేతిలో ఓడాడు. మరోవైపు పర్వేశ్‌ (60 కేజీ), వినాయక్‌ పాటిల్‌ (67 కేజీ), అంకిత్‌ గులియా (72 కేజీ) ఆరంభ రౌండ్లలోనే వెనుదిరిగారు. పర్వేశ్‌.. గాల్‌యమ్‌ (కజకిస్థాన్‌) చేతిలో ఓడగా.. వినాయక్‌పై చాంగ్‌ (దక్షిణ కొరియా) పైచేయి సాధించాడు. సతాయెవ్‌ చేతిలో అంకిత్‌ పరాజయం చవిచూశాడు. ఇప్పటికే అర్జున్‌ (55 కేజీ), ఉమేశ్‌ (63 కేజీ), సాజన్‌ (77 కేజీ), అజయ్‌ (87 కేజీ) కూడా పోటీ నుంచి నిష్క్రమించారు.  ఈ టోర్నీలో భారత్‌ ఇప్పటిదాకా మూడు రజతాలు, అన్నే కాంస్యాలు గెలుచుకుంది.