అగ్రస్థానంలో గుకేశ్‌

టొరంటో: క్యాండిడేట్స్‌ చెస్‌ టోర్నమెంట్లో భారత గ్రాండ్‌మాస్టర్‌ గుకేశ్‌.. అగ్రస్థానంలో కొనసాగుతున్నాడు. నెపోమ్నియాషి (రష్యా)తో జరిగిన పదో రౌండ్‌ గేమ్‌ను అతడు డ్రాగా ముగించాడు. మరో నాలుగు రౌండ్లు మాత్రమే మిగిలి ఉన్న టోర్నీలో గుకేశ్‌, నెపోమ్నియాషి 6 పాయింట్లతో సంయుక్తంగా మొదటి స్థానంలో ఉన్నారు. ప్రజ్ఞానంద, విదిత్‌ గుజరాతి మధ్య గేమ్‌ కూడా డ్రా అయింది. ప్రజ్ఞానంద, కరువానా, నకముర తలో 5.5 పాయింట్లతో రేసులో ఉన్నారు. మహిళల విభాగంలో సలిమోవ్‌ (బల్గేరియా)పై వైశాలి (3.5) విజయం సాధించింది. జ్యోంగి తాన్‌ (చైనా)తో గేమ్‌ను కోనేరు హంపి డ్రాగా ముగించింది