నదిలో నాలుగు గంటలు

పారిస్‌: ఒలింపిక్స్‌ చరిత్రలోనే మొట్టమొదటిగా ఈ మెగా క్రీడల ఆరంభోత్సవ వేడుకలను ఆరుబయట నిర్వహించేందుకు పారిస్‌ సిద్ధమవుతోంది. భద్రత పరంగా కాస్త ఆందోళన వ్యక్తమవుతున్నప్పటికీ నిర్వాహకులు మాత్రం సెన్‌ నదిలోనే ఈ వేడుకల కోసం కసరత్తులు చేస్తున్నారు. జులై 26న నదిలో నాలుగు గంటల పాటు ఈ ప్రారంభోత్సవ వేడుకలు జరగనున్నాయి. 205 దేశాలకు చెందిన అథ్లెట్ల బృందాలు 80 పడవలపై పరేడ్‌ నిర్వహిస్తాయి. ఆరు కిలోమీటర్ల పాటు ఈ పరేడ్‌ సాగుతుంది. దీని తర్వాత కళాకారుల ప్రదర్శనలుంటాయి. మధ్యాహ్నం 3.45 గంటలకు మొదలయ్యే ఈ కార్యక్రమం రాత్రి 11.15 గంటలకు ముగుస్తుంది. 10,500 మంది అథ్లెట్లు పడవల్లో నుంచి బయటకు వచ్చిన తర్వాత ఈ వేడుకల్లో చివరి అంకానికి ఈఫిల్‌ టవర్‌కు ఎదురుగా ఉన్న ట్రాకాడెరో ప్లాజా వేదిక కానుంది.