భారత రెజ్లర్లు విఫలం

దక్కని ఒలింపిక్స్‌ కోటా

బిష్కెక్‌: ఆసియా ఒలింపిక్‌ క్వాలిఫయర్స్‌లో భారత పురుష రెజ్లర్లు విఫలమయ్యారు. ఒక్క బరువు విభాగంలోనూ పారిస్‌ ఒలింపిక్స్‌ కోటా స్థానం దక్కించుకోలేకపోయారు. ప్రతి విభాగంలోనూ సెమీస్‌లో గెలిచిన రెజ్లర్లకు ఒలింపిక్‌ బెర్తు దక్కుతుంది. కానీ శుక్రవారం పురుషుల విభాగంలో ఏ భారత రెజ్లర్‌ కూడా సెమీస్‌ దాటలేకపోయారు. 57 కేజీల విభాగంలో అమన్‌ సెహ్రావత్‌ సెమీస్‌లో పరాజయం పాలయ్యాడు. 0-10 తేడాతో అబ్దుల్లేవ్‌ (ఉజ్బెకిస్థాన్‌) చేతిలో ఓడాడు. మరోవైపు జైదీప్‌ (74 కేజీలు), సుమిత్‌ (125 కేజీలు) క్వార్టర్స్‌లో ఓటమి చెందారు. దీపక్‌ (97) క్వాలిఫికేషన్‌ రౌండ్లోనే నిష్క్రమించాడు.