రెండో స్థానంలో అర్జున్‌

షార్జా: తెలంగాణ గ్రాండ్‌మాస్టర్‌ అర్జున్‌ ఇరిగేశి షార్జా మాస్టర్స్‌ చెస్‌ టోర్నమెంట్లో మెరుగైన ప్రదర్శన చేస్తున్నాడు. అతడు మరో విజయాన్ని ఖాతాలో వేసుకున్నాడు. శనివారం నాలుగో రౌండ్లో మాన్యుయెల్‌ పెట్రోసియన్‌ (ఆర్మేనియా)పై అతడు నెగ్గాడు. మరో తెలుగు కుర్రాడు రాజా రిత్విక్‌.. అభిజిత్‌ గుప్తా చేతిలో ఓడాడు. అమీన్‌ (ఇరాన్‌)తో అరవింద్‌ చిదంబరం డ్రా చేసుకోగా... నిచెంకో (బెలారస్‌)పై నిహాల్‌ సరీన్‌ పైచేయి సాధించాడు. మార్జిన్‌ (రష్యా)తో సంకల్ప్‌.. సామ్‌ (అమెరికా)తో అభిమన్యు పౌర్ణిక్‌ డ్రా చేసుకున్నారు. ప్రస్తుతం అర్జున్‌ 3 పాయింట్లతో పౌర్ణిక్, సంకల్ప్‌తో కలిసి రెండో స్థానంలో ఉన్నాడు. అరవింద్‌ 3.5 పాయింట్లతో సలె సలీమ్‌ (యూఏఈ), హాన్స్‌ (అమెరికా)తో ఉమ్మడిగా అగ్రస్థానంలో కొనసాగుతున్నాడు.