‘లక్ష్య’ దీప్తి రికార్డు

కోబె (జపాన్‌): ప్రపంచ పారా అథ్లెటిక్స్‌ ఛాంపియన్‌షిప్‌లో ఈనాడు సీఎస్‌ఆర్‌ కార్యక్రమం ‘లక్ష్య’ క్రీడాకారిణి జీవాంజి దీప్తి (తెలంగాణ) సత్తాచాటింది. ప్రతిష్టాత్మక టోర్నీలో ఆసియా రికార్డుతో ఫైనల్లోకి దూసుకెళ్లింది. మహిళల టీ20 400 మీటర్ల హీట్స్‌ను 56.18 సెకన్లలో ముగించిన దీప్తి ఆసియా రికార్డును తిరగరాసి ఫైనల్‌కు అర్హత సాధించింది. హైజంపర్‌ నిషాద్‌ కుమార్, ప్రీతి పల్‌ పతకాలతో మెరిశారు. పురుషుల టీ47 హైజంప్‌లో నిషాద్‌ (1.99 మీటర్లు) ద్వితీయ స్థానంలో నిలిచి రజతం సాధించాడు. మహిళల టీ35 200 మీ ఫైనల్లో ప్రీతి (30.49 సెకన్లు) కాంస్య పతకం నెగ్గింది.