గాయత్రి జోడీ శుభారంభం

కౌలాలంపూర్‌: మలేసియా మాస్టర్స్‌ ప్రపంచ టూర్‌ సూపర్‌ 500 టోర్నీలో భారత అగ్రశ్రేణి జోడీ గాయత్రి గోపీచంద్‌- ట్రీసా జాలీ శుభారంభం చేసింది. మంగళవారం మహిళల డబుల్స్‌ తొలి రౌండ్లో గాయత్రి- ట్రీసా జోడీ 21-14, 21-10తో హువాంగ్‌ సున్‌- లియాంగ్‌ టింగ్‌ (చైనీస్‌ తైపీ) జంటపై విజయం సాధించింది. మరో మ్యాచ్‌లో సిమ్రన్‌ సింఘి- రితిక థాకెర్‌ జోడీ 21-14, 21-13తో ఫతరిన్‌- నపపకోర్న్‌ (థాయ్‌లాండ్‌) జంటపై నెగ్గి ముందంజ వేసింది. రుతుపర్ణ పాండా- శ్వేతపర్ణ పాండా జంట 10-21, 7-21తో సుంగ్‌- చీన్‌ (చైనీస్‌ తైపీ) జోడీ చేతిలో ఓడింది.