దీపిక విఫలం

యెచియాన్‌ (దక్షిణ కొరియా): ఆర్చరీ ప్రపంచకప్‌ స్టేజ్‌-2 టోర్నమెంట్లో భారత స్టార్‌ దీపిక కుమారికి నిరాశ! ఈ టోర్నీలో పతకం సాధించకుండానే ఆమె వెనుదిరిగింది. రికర్వ్‌ మహిళల సింగిల్స్‌  సెమీఫైనల్లో దీపిక 2-6తో లిమ్‌ షియోన్‌ (కొరియా) చేతిలో ఓడింది. కాంస్యం కోసం జరిగిన పోరులోనూ దీపిక 4-6తో అలెగ్జాండ్రా వాలెన్సియా (మెక్సికో) చేతిలో పరాజయం చవిచూసింది. జూన్‌లో అంటాల్యాలో జరిగే ప్రపంచకప్‌ స్టేజ్‌-3 టోర్నమెంట్లో దీపిక పారిస్‌ బెర్తు కోసం చివరి ప్రయత్నం చేయబోతోంది. స్టేజ్‌-2 టోర్నమెంట్లో భారత్‌ కాంపౌండ్‌లో ఒక స్వర్ణం, ఒక రజతం గెలిచింది.