PV Sindhu: సింధుకు నిరాశ

మలేసియా మాస్టర్స్‌లో రన్నరప్‌తో సరి

కౌలాలంపూర్‌: భారత స్టార్‌ షట్లర్‌ పి.వి.సింధు చాన్నాళ్ల తర్వాత ఓ టైటిల్‌ గెలిచే అవకాశాన్ని చేజేతులా దూరం చేసుకుంది. ఆదివారం మలేసియా మాస్టర్స్‌ బ్యాడ్మింటన్‌ టోర్నీ మహిళల సింగిల్స్‌ ఫైనల్‌ నిర్ణయాత్మక గేమ్‌లో 11-3తో ఆధిక్యంలో నిలిచి కూడా చివరికి ఆమె ఓటమి పాలైంది. తుది పోరులో ఆమె 21-16, 5-21, 16-21తో వాంగ్‌ జి యి (చైనా) చేతిలో పరాజయం పాలైంది. 79 నిమిషాల పాటు సాగిన ఫైనల్లో తొలి గేమ్‌ను కష్టపడి చేజిక్కించుకున్న సింధు.. రెండో గేమ్‌లో తేలిపోయింది. నిర్ణయాత్మక మూడో గేమ్‌లో విరామ సమయానికి 11-3తో ఆధిక్యంలో నిలవడంతో సింధుకు టైటిల్‌ ఖాయమైనట్లే అనిపించింది. కానీ రెండో అర్ధంలో విజృంభించిన వాంగ్‌.. సింధుకు   5 పాయింట్లు మాత్రమే ఇచ్చిన ఆమె.. 18 పాయింట్లతో మ్యాచ్‌ను ఎగరేసుకుపోయింది.