Hyderabad vs Mumbai: హైదరాబాద్‌ సంచలనం.. ఐపీఎల్‌ రికార్డు బద్దలు

హైదరాబాద్‌: ఐపీఎల్‌లో హైదరాబాద్‌ చరిత్ర సృష్టించింది. టోర్నీ చరిత్రలోనే అత్యధికంగా 277 పరుగులు చేసింది. ముంబయితో మ్యాచ్‌లో 3 వికెట్లు కోల్పోయి ఈ ఘనత సాధించింది. టాస్‌ ఓడి బ్యాటింగ్‌కు దిగిన హైదరాబాద్‌ ఆది నుంచి దూకుడుగా ఆడింది. బ్యాటర్లలో ఒక్క మయాంక్‌ మినహా (11).. ట్రావిస్‌ హెడ్‌ (62), అభిషేక్‌ శర్మ (63), మార్‌క్రమ్‌ (42*), క్లాసెన్‌ (80*) దుమ్మురేపారు. సొంత మైదానంలో ఆకాశమే హద్దుగా చెలరేగారు. ముంబయి బౌలర్లలో కెప్టెన్‌ హార్దిక్‌ పాండ్యా, కోయెట్జీ, పీయూష్‌ చావ్లా ఒక్కో వికెట్‌ తీశారు. లక్ష్యఛేదనలో ముంబయి 5 వికెట్లు కోల్పోయి 246 పరుగులే చేసింది. ఇప్పటివరకు ఐపీఎల్‌ చరిత్రలో అత్యధిక రికార్డు స్కోర్‌ బెంగళూరు (263)పై ఉంది. 2013లో పుణెపై ఈ స్కోర్‌ని నమోదు చేసింది.