CAN vs IRE: నికోలస్‌ అర్ధశతకం మిస్‌.. ఐర్లాండ్‌ టార్గెట్‌ 138

న్యూయార్క్‌: ఐసీసీ టీ20 ప్రపంచకప్‌లో భాగంగా న్యూయార్క్‌ వేదికగా ఐర్లాండ్‌తో జరుగుతున్న మ్యాచ్‌లో కెనడా ఇన్నింగ్స్‌ ముగిసింది. టాస్‌ ఓడి తొలుత బ్యాటింగ్‌ చేసిన కెనడా నిర్ణీత 20 ఓవర్లలో 7 వికెట్ల నష్టానికి 137 పరుగులు చేసింది. ఓపెనర్లు ఆరోన్‌ జాన్సన్ (14), నవనీత్‌ ధలివాల్‌ (6) నిరాశపరిచారు. నికోలస్‌ కిర్టోన్‌ (49) తృటిలో అర్ధశతకం చేజార్చుకున్నాడు. పర్‌గత్‌ సింగ్‌ (18), శ్రేయస్‌ మొవ్వ (37) కీలక ఇన్నింగ్స్‌ ఆడారు. ఐర్లాండ్‌ బౌలర్లలో యంగ్‌, బేరీ మెక్‌గర్తీ చెరో 2 వికెట్లు పడగొట్టగా.. డెలానీ, మార్క్‌ అదైర్‌ తలో వికెట్‌ తీశారు.