FIFA: నలభై నిమిషాల్లోనే నాలుగు గోల్స్ కొట్టేసి..!
బ్రెజిల్ (Brazil ) జట్టు రౌండ్-16 మ్యాచ్లో విశ్వరూపం చూపింది. తొలి నలభై నిమిషాల్లోనే నాలుగుగోల్స్ చేసింది.
ఇంటర్నెట్డెస్క్: ఫిఫా ప్రపంచకప్ (FIFA world cup 2022) నాకౌట్ రౌండ్ మ్యాచ్లో ఓ జట్టు ప్రతి పదినిమిషాలకో గోల్ చొప్పున కొడుతుంటే.. అవతల జట్టు పరిస్థితి ఎలా ఉంటుందో ఊహించుకోవచ్చు. ఇటువంటి పరిస్థితినే నేడు దక్షిణ కొరియా(south korea) ఎదుర్కొంది. నేడు జరిగిన రౌండ్-16 మ్యాచ్లో బ్రెజిల్-దక్షిణ కొరియా తలపడ్డాయి. ఈ మ్యాచ్ పూర్తి ఏకపక్షంగా సాగింది. గ్రూప్ దశలో గాయపడి విశ్రాంతి తీసుకొన్న స్టార్ ఆటగాడు నెయ్మార్ ఈ మ్యాచ్లో పునరాగమనం చేయడంతోపాటు ఓ గోల్ కూడా సాధించాడు.
మ్యాచ్ తొలి అర్ధభాగంలోనే నాలుగు గోల్స్తో బ్రెజిల్(Brazil ) ఆటగాళ్లు ప్రత్యర్థుల గోల్పోస్టును కకావికలం చేశారు. మ్యాచ్ మొదలైన ఏడు నిమిషాలకే బ్రెజిల్ వింగర్ ఆటగాడు వినిసియస్ అద్భుతమైన కిక్తో తొలిగోల్ అందించాడు. దీంతో బ్రెజిల్కు 1-0 ఆధిక్యం లభించింది. ఆ తర్వాత మ్యాచ్ 13వ నిమిషంలో దక్షిణ కొరియా (south korea) ఆటగాడు జుంగ్ ఊ యంగ్ చేసిన పొరబాటుకు ఆ జట్టు భారీ మూల్యం చెల్లించుకొంది. అతడి కిక్ రిచర్లీసన్కు తాకడంతో బ్రెజిల్(Brazil )కు పెనాల్టీ లభించింది. దీనిని నెయ్మార్ గోల్గా మలిచి బ్రెజిల్(Brazil ) స్కోర్ను 2-0కు చేర్చాడు. ఈ టోర్నీలో భీకరమైన ఫామ్లో ఉన్న రిచర్లీసన్కు 29వ నిమిషంలో థియాగో సిల్వా నుంచి వచ్చిన పాస్ను అద్భుతమైన గోల్గా మలిచాడు. దీంతో మ్యాచ్ మొదలైన 30 నిమిషాల్లోపే బ్రెజిల్ మూడు గోల్స్ చేసినట్లైంది. ఇక మరో ఏడు నిమిషాలకు లూకస్ పకీటా నాలుగో గోల్ చేశాడు. తొలి అర్ధభాగంలోనే బ్రెజిల్ మ్యచ్ను పూర్తిగా లాగేసుకొంది.
ఇక ద్వితీయార్థం మొత్తం దక్షిణ కొరియా(south korea)పై ఎదురు దాడులు చేస్తూనే ఉంది. ఈ మ్యాచ్లో బ్రెజిల్ (Brazil ) ఎక్కడా ఆత్మరక్షణ శైలిలో ఆడినట్లు కనిపించలేదు. కాకపోతే ద్వితీయార్థంలో బ్రెజిల్ జట్టు మరో గోల్ చేయకుండా కొరియా ఆటగాళ్లు అడ్డుకొన్నారు. మ్యాచ్ 76వ నిమిషంలో కొరియా ఆటగాడు కిమ్ సెయూంగ్ గ్యూ జట్టుకు తొలిగోల్ అందించి పరువు కాపాడాడు. మ్యాచ్ అనంతరం బ్రెజిల్ ఆటగాళ్ల సంబరాలు ప్రత్యేక ఆకర్షణగా నిలిచాయి. ఈ విజయంతో ప్రపంచకప్ (FIFA world cup 2022) క్వార్టర్ఫైనల్స్లో బ్రెజిల్ జట్టు కొయేషియాతో తలపడనుంది.
రికార్డులు..
* మూడు వేర్వేరు ప్రపంచకప్ల్లో గోల్స్ చేసిన మూడో బ్రెజిలియన్ ఆటగాడిగా నెయ్మార్ నిలిచాడు. అంతకుముందు ఈ ఫీట్ సాధించిన ఆటగాళ్లలో పీలే, రొనాల్డో ఉన్నారు. 10వ నెంబర్ జెర్సీతో ఆడుతున్న నెయ్మార్కు ఇది 7వ ప్రపంచకప్ గోల్. గతంలో బ్రెజిల్, రష్యాలు ఆతిథ్యమిచ్చిన టోర్నీల్లో కూడా గోల్స్ చేశాడు.
* రిచర్లీసన్ ఈ టోర్నీలో మూడు గోల్స్ పూర్తి చేశాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పారిస్ ఒలింపిక్స్లో హిందీకి అరుదైన గౌరవం
పారిస్ వేదికగా జరిగిన ఒలింపిక్స్ ప్రారంభ వేడుకల్లో హిందీకి అరుదైన గౌరవం దక్కింది. -
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
కిషన్రెడ్డి హైదరాబాద్కు రూపాయి తీసుకు రాలేదు: మంత్రి పొన్నం
-
‘యానిమల్ పార్క్’.. ఆ విషయం నేను చెప్పలేను: త్రిప్తి దిమ్రీ
-
పారిస్ ఒలింపిక్స్లో హిందీకి అరుదైన గౌరవం
-
ఆగస్టు 23న.. ఉక్రెయిన్ పర్యటనకు ప్రధాని మోదీ..!
-
భద్రాచలం వద్ద మళ్లీ పెరుగుతున్న గోదావరి నీటి మట్టం
-
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?