IND vs AFG: టీమ్ఇండియా బీ కేర్ఫుల్.. అఫ్గాన్లతో అంత ఈజీ కాదు
భారత్, అఫ్గానిస్థాన్ (IND vs AFG) మధ్య జనవరి 11 నుంచి మూడు టీ20ల సిరీస్ ప్రారంభంకానుంది.
అంతర్జాతీయ టీ20ల్లో అఫ్గానిస్థాన్ (Afghanistan)పై భారత్ది అజేయ రికార్డు. ఇప్పటివరకూ ఆ జట్టు చేతిలో ఓడిందే లేదు. ఆ జట్టుతో అయిదు మ్యాచ్ల్లో టీమ్ఇండియా (Team India) నాలుగింట్లో గెలిచింది. ఓ మ్యాచ్లో ఫలితం తేలలేదు. ఇప్పుడు మరోసారి అఫ్గాన్తో సిరీస్కు భారత జట్టు సిద్ధమైంది. మూడు టీ20ల సిరీస్లో భాగంగా తొలి మ్యాచ్ గురువారం జరుగనుంది. కానీ ఈ సారి అఫ్గాన్లతో అంత ఈజీ కాదు. ఇటీవల వన్డే ప్రపంచకప్లో ఆ జట్టు సంచలన ప్రదర్శన చేసింది. పొట్టి ఫార్మాట్లో ఆ జట్టు మరింత ప్రమాదకరంగా కనిపిస్తోంది. టీమ్ఇండియా అతి విశ్వాసానికి పోకుండా జాగ్రత్తగా ఆడాల్సిన అవసరం ఉంది.
ఆ విజయాలతో..
ప్రపంచ క్రికెట్లో అఫ్గానిస్థాన్ అంటే పసికూన అని పిలిచేవాళ్లు. కానీ నిరుడు వన్డే ప్రపంచకప్లో ఆ జట్టు ప్రదర్శన చూసిన తర్వాత ఆ అభిప్రాయం మారిపోయింది. డిఫెండింగ్ ఛాంపియన్ ఇంగ్లాండ్, మాజీ ఛాంపియన్లు పాకిస్థాన్, శ్రీలంకపై ఆ జట్టు విజయాలు నమోదు చేసింది. అవి కూడా గాలివాటం గెలుపులేం కాదు. సాధికారికంగా ఆడి, పూర్తి ఆధిపత్యం ప్రదర్శించి అందుకున్న విజయాలు. ఇక ఆస్ట్రేలియాను భయపెట్టిన ఆ జట్టు సెమీస్ చేరేలా కనిపించింది. కానీ మ్యాక్స్వెల్ వీరోచిత ద్విశతకంతో ఆ జట్టు ఆశలు కూలాయి. సెమీస్ చేరకపోయినా ఆ జట్టు ప్రదర్శన ఆకట్టుకుంది. వన్డేల్లోనే ఇలా రాణించిన జట్టు ఇక టీ20ల్లో మరింత చెలరేగే అవకాశముంది. పొట్టి ఫార్మాట్లో అఫ్గాన్ను తేలిగ్గా తీసుకోవడానికి వీల్లేదు. ఒక్క ఓవర్లో ఫలితం తారుమారయ్యే ఈ ఫార్మాట్లో ఆ జట్టు ప్రమాదకారే. నాణ్యమైన స్పిన్నర్లు, మంచి పేసర్లు, ఉత్తమ బ్యాటర్లు, పవర్ హిట్టర్లతో నిండి ఉన్న ఆ జట్టు భయమన్నదే లేకుండా తెగించే ఆడే ఆస్కారముంది. ఇటీవల యూఏఈతో టీ20 సిరీస్ను 2-1తో సొంతం చేసుకున్న అఫ్గాన్ జోరుమీదుంది. అంతకుముందు ఆసియా క్రీడల్లో ఆ దేశ యువ జట్టు శ్రీలంక, పాకిస్థాన్ లాంటి జట్లను ఓడించి వెండి పతకాన్ని దక్కించుకుంది.
రషీద్ లేకపోవడం దెబ్బే..
ఈ ఏడాది జూన్ 1న టీ20 ప్రపంచకప్ ఆరంభమవుతున్న నేపథ్యంలో భారత్తో పొట్టి సిరీస్ను అఫ్గాన్ ప్రతిష్ఠాత్మకంగా తీసుకుంది. తొలిసారి భారత్తో మూడు మ్యాచ్ల సిరీస్ ఆడుతున్న ఆ జట్టు ఒక్క మ్యాచ్ గెలిచినా అఫ్గాన్ ఆటగాళ్ల ఆత్మవిశ్వాసం అమాంతం పెరుగుతుందనడంలో సందేహం లేదు. పొట్టి ప్రపంచకప్కు ముందు అఫ్గాన్ ఇంకా శ్రీలంక, ఐర్లాండ్తో టీ20 సిరీస్లు ఆడాల్సి ఉంది. కానీ టీమ్ఇండియాతో సిరీస్కు ఉన్న విలువ ఆ జట్టుకు తెలియంది కాదు. అందుకే ఈ సిరీస్లో గెలుపు కోసం శాయశక్తులా కష్టపడేందుకు సిద్ధమైంది. కెప్టెన్ ఇబ్రహీం జద్రాన్, హజ్రతుల్లా జజాయ్, అలిఖిల్, రహ్మనుల్లా గుర్బాజ్, ఆల్రౌండర్లు అజ్మతుల్లా ఒమర్జాయ్, గుల్బాదిన్ నయీబ్, మహమ్మద్ నబి, రహ్మత్ షా, పేసర్లు ఫరూఖీ, నవీనుల్ హక్, స్పిన్నర్లు ముజీబ్ ఉర్ రెహ్మాన్, నూర్ అహ్మద్తో ఆ జట్టు పటిష్ఠంగా కనిపిస్తోంది. కానీ ప్రపంచ క్రికెట్లో అఫ్గాన్కు ప్రత్యేక గుర్తింపు తెచ్చిన రషీద్ ఖాన్ దూరమవడం ఆ జట్టుకు దెబ్బే. నిరుడు అన్ని టీ20లు కలిపి చూస్తే అత్యధిక వికెట్లు తీసిన బౌలర్లలో రషీద్ ఖాన్ (65 వికెట్లు) రెండో ప్లేసులో ఉన్నాడు. 66 వికెట్లతో ఎలిస్ (ఆస్ట్రేలియా) ఫస్ట్ ప్లేసులో ఉన్నాడు. వెన్నెముక గాయం, శస్త్రచికిత్స కారణంగా నిరుడు జులై నుంచి అతను టీ20ల్లో ఆడలేదు. ఇప్పుడు భారత్తో సిరీస్కు అతణ్ని ఎంపిక చేశారు. కానీ ఇంకా పూర్తిగా కోలుకోకపోవడంతో దూరమయ్యాడు. రషీద్ లేకపోయినా యువ స్పిన్నర్లు నూర్ అహ్మద్, ముజీబ్తో పాటు సీనియర్ స్పిన్నర్ నబితో భారత్కు సవాలు ఎదురయ్యే అవకాశం ఉంది. ఈ సిరీస్లో ఒక్క మ్యాచ్లో ఓడినా.. ప్రపంచకప్కు ముందు అది టీమ్ఇండియా ఆటగాళ్లను మానసికంగానూ దెబ్బతీసే ప్రమాదముంది. అందుకే భారత్.. బీ కేర్ఫుల్.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘తప్పు జరిగింది.. క్షమించండి’: పారిస్ ఒలింపిక్స్ నిర్వాహకులు
Paris Olympics 2024: ఒలింపిక్స్ వేడుకలు ప్రారంభోత్సవ కార్యక్రమంలో జరిగిన పొరపాటుపై నిర్వాహకులు క్షమాపణలు కోరారు. -
టెస్టుల్లో సచిన్ రికార్డును జో రూట్ బ్రేక్ చేస్తాడా? దినేశ్ కార్తిక్ ఏమన్నాడంటే?
టెస్టుల్లో సచిన్ తెందూల్కర్ అత్యధిక పరుగుల రికార్డును ఇంగ్లాండ్ బ్యాటర్ జో రూట్ (Joe Root) బ్రేక్ చేసే అవకాశముందని భారత మాజీ వికెట్కీపర్ దినేశ్ కార్తిక్ (Dinesh Karthik) అభిప్రాయపడ్డాడు. -
పారిస్ ఒలింపిక్స్.. ఎయిర్ పిస్టల్లోనూ మనకు నిరాశే..!
Paris Olympics 2024: 10 మీటర్ల ఎయిర్ పిస్టల్ క్వాలిఫికేషన్ పురుషుల విభాగంలో షూటర్లు సరబ్జోత్ సింగ్, అర్జున్ చీమా నిరాశపర్చారు. -
తూటా గురితప్పింది.. మిక్స్డ్ డబుల్స్లో నిరాశపర్చిన షూటర్లు
Paris Olympics 2024: పారిస్ ఒలింపిక్స్లో తొలి రోజు భారత షూటర్లు నిరాశపర్చారు. మిక్స్డ్ డబుల్స్లో ఫైనల్కు చేరుకోలేకపోయారు. -
ఇప్పుడు చేసేద్దాం.. గంభీర్ పశ్చాత్తాప వ్యాఖ్యలపై సూర్య కామెంట్
Gautam Gambhir-Suryakumar Yadav: సూర్య విషయంలో విచారం వ్యక్తం చేస్తూ గతంలో గంభీర్ చేసిన వ్యాఖ్యలపై టీమ్ ఇండియా టీ20 కెప్టెన్ తాజాగా స్పందించాడు. -
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
Dravid-Gambhir: టీమ్ఇండియా కొత్త హెడ్ కోచ్ గంభీర్కు మాజీ కోచ్ ద్రవిడ్ ప్రత్యేక సందేశం పంపాడు. ఈ వీడియోను బీసీసీఐ పంచుకుంది. -
పారిస్ ఒలింపిక్స్లో హిందీకి అరుదైన గౌరవం
పారిస్ వేదికగా జరిగిన ఒలింపిక్స్ ప్రారంభ వేడుకల్లో హిందీకి అరుదైన గౌరవం దక్కింది. -
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
‘తప్పు జరిగింది.. క్షమించండి’: పారిస్ ఒలింపిక్స్ నిర్వాహకులు
-
టెస్టుల్లో సచిన్ రికార్డును జో రూట్ బ్రేక్ చేస్తాడా? దినేశ్ కార్తిక్ ఏమన్నాడంటే?
-
ఫైల్స్ దహనం కేసు.. పోలీసుల అదుపులోకి ఎంపీ మిథున్రెడ్డి ప్రధాన అనుచరుడు
-
కేంద్ర బడ్జెట్లో ఏపీకి రూ.50,474 కోట్లు: కేంద్ర మంత్రి మురుగన్
-
పారిస్ ఒలింపిక్స్.. ఎయిర్ పిస్టల్లోనూ మనకు నిరాశే..!
-
వారికి క్షమాపణలు చెప్పా: ‘యానిమల్’ విమర్శలపై తొలిసారి స్పందించిన రణ్బీర్