Axar Patel : ప్రియురాలిని వివాహమాడిన ఆల్‌రౌండర్‌ అక్షర్‌ పటేల్‌..

ఇంటర్నెట్‌ డెస్క్‌: టీమ్‌ఇండియా ఆల్‌రౌండర్‌ అక్షర్‌ పటేల్‌(Axar Patel) ఓ ఇంటివాడయ్యాడు. అతడి ప్రియురాలు మేహా పటేల్‌తో వివాహ బంధంలోకి అడుగుపెట్టాడు. వడోదరలో గురువారం ఘనంగా జరిగిన ఈ వేడుకకు క్రికెటర్లు, పలువురు ప్రముఖులు హాజరయ్యారు. ఈ వేడుకకు సంబంధించిన ఫొటోలు, వీడియోలు సామాజిక మాధ్యమాల్లో వైరల్‌ అవుతున్నాయి.

పెళ్లి కారణంగా న్యూజిలాండ్‌తో వన్డే సిరీస్‌(IND Vs NZ)కు దూరమైన అక్షర్‌.. అంతకుముందు శ్రీలంకతో టీ20, వన్డే సిరీస్‌ల్లో మెరిసిన విషయం తెలిసిందే. ఇక లంకతో జరిగిన రెండో టీ20లో ఆడిన ఇన్నింగ్స్‌(31 బంతుల్లో 65 పరుగులు) అతడి కెరీర్‌లో ఎప్పటికీ ప్రత్యేకమే.