Harmilan Bains: 13 ఏళ్ల వయసులోనే నిషేధం... ఆపై వరుస గాయాలు.. హర్మిలన్ పోరాటమిదీ!
మోడల్ కాదు అథ్లెటే... హర్మిలన్ బైన్స్ (Harmilan Bains) ను చూడగానే సగటు క్రీడాభిమాని అనే మాట ఇది. ఎందుకంటే ఆమె మోడల్లా ఉంటుంది మరి. ఇంకా ఆమె గురించి ఆసక్తికర విషయాలు మీ కోసం...
ఆమెను చూస్తే ఎవరీ మోడల్ అనిపిస్తుంది.. ఉంగరాల జట్టు.. అందమైన ముఖం.. ఎండకు కలిమిపోతుందా అన్నట్లుండే మేని ఛాయ. ఈ అమ్మాయి వస్తుంటే అందరి చూపులు ఆమె మీదే! విశేషం ఏమిటంటే ఆమె ఓ విజేత! ర్యాంప్ మీద కాదు! అథ్లెటిక్స్ ట్రాక్ మీద! సున్నితంగా అనిపించే ఈ అమ్మాయి పతకాల పంట పండిస్తోంది. తాజాగా ఆసియా క్రీడల్లో (Asian Games 2022) రజతంతో అదరగొట్టింది. ఆ అథ్లెటే హర్మిలన్ బైన్స్ (Harmilan Bains).
అమ్మా, నాన్న అథ్లెట్లే
ఆసియా క్రీడల్లో 1500 మీటర్ల పరుగులో సత్తా చాటిన పంజాబ్ అమ్మాయి హర్మిలన్ అథ్లెటిక్స్ కుటుంబం నుంచి వచ్చింది. ఆమె తల్లి మాధురి సింగ్ కూడా అంతర్జాతీయ అథ్లెటే. హర్మిలిన్ కడుపులో ఉండగానే ఓ ప్రభుత్వ ఉద్యోగం కోసం ట్రాక్లో పరుగులు తీసింది మాధురి. అథ్లెటిక్స్ అంటే ప్రాణంగా ఉండే మాధురి.. హర్మిలిన్ పుట్టిన నాలుగేళ్ల తర్వాత మళ్లీ ట్రాక్లోకి వచ్చి 2002 బుసాన్ ఆసియా క్రీడల్లో 800 మీటర్ల పరుగులో రజతం గెలిచింది. విశేషం ఏమిటంటే హర్మిలన్ నాన్న అమన్దీప్ బైన్స్ కూడా అథ్లెటే. దక్షిణ ఆసియా క్రీడల్లో పతకం గెలిచాడు. ఇలా అమ్మ, నాన్న స్ఫూర్తితో పరుగును నరనరానా జీర్ణించుకున్న హర్మిలన్ ట్రాక్లో పతకాల వేటలో సాగుతోంది.
అనుకోకుండా నిషేధం
13 ఏళ్ల వయసులో నిషేధిత ఉత్ప్రేరకాలు వాడిందనే కారణంతో హర్మిలన్పై రెండేళ్ల నిషేధం పడింది. స్థానికంగా ఒక వైద్యుడు ఇచ్చిన మందులు వాడడం వల్ల ఆమె అనుకోకుండా నాడా పరీక్షల్లో పట్టుబడింది. దీంతో కుంగిపోయినా.. మళ్లీ ట్రాక్లో వచ్చిన ఆమె 2015లో సెలక్షన్స్లో సత్తా చాటి సాయ్ హాస్టల్లో చోటు దక్కించుకుంది. అక్కడ అథ్లెటిక్స్లో రాటుదేలింది. సీబీఎస్ఈ జాతీయ అథ్లెటిక్స్లో 1500 మీటర్లలో పసిడి గెలిచి ఆత్మవిశ్వాసాన్ని పెంచుకుంది.
అదే ఏడాది అండర్-18 జాతీయ ఛాంపియన్షిప్లో 800 మీటర్లు, 500 మీటర్లలో రజతాలు సొంతం చేసుకున్న హర్మిలన్ 2016లో వియత్నాంలో జరిగిన ఆసియా జూనియర్ ఛాంపియన్షిప్లో 1500 మీ పరుగులో కాంస్యం నెగ్గి అంతర్జాతీయ పతకాల ఖాతా తెరిచింది. అక్కడ నుంచి ఆమె ప్రదర్శన మరింత మెరుగవుతూ వచ్చింది. 2021లో 800, 1500 మీ పరుగులో జాతీయ ఛాంపియన్ అయిన హర్మిలిన్... ప్రపంచ యూనివర్సిటీ క్రీడల్లోనూ ఇదే ఈవెంట్లలో పసిడి పతకాలతో మెరిసింది.
గాయంతో దూరమైనా
2022లో మోకాలి గాయం కారణంగా హర్మిలన్ జోరుకు బ్రేక్ పడింది. కామన్వెల్త్ క్రీడలు, ప్రపంచ ఛాంపియన్షిప్ లాటి ప్రధాన ఈవెంట్లకు దూరమైంది. 10 నెలల విరామం తర్వాత ఈ ఏడాది అంతర్ రాష్ట్ర అథ్లెటిక్స్లో పునరాగమనం చేసిన ఈ పంజాబ్ రన్నర్...1500 మీ, 800 మీటర్ల పరుగులో రజతాలతో సత్తా చాటింది. ఇదే క్రమంలో ఆసియా క్రీడలకు అర్హత సాధించిన ఆమె హాంగ్జౌలోనూ అదరగొట్టింది. ఒలింపిక్స్కు అర్హత సాధించి సత్తా చాటాలన్నది హర్మిలన్ కల. ఆ కలను తీర్చుకునే దిశగా ఇప్పుడు ఆసియా పతకంతో ఓ అడుగు ముందుకేసింది.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
సోషల్ మీడియా వీడియోల పిచ్చి ముదిరి.. రైలును పట్టాలు తప్పించి..!
-
ఆ ప్రాజెక్ట్కు ఓకే చెప్పినందుకు బాధపడ్డా: టబు
-
నాలుగు సంవత్సరాలు ఎన్నో సవాళ్లు ఎదుర్కొన్నా: నాగ్ అశ్విన్
-
చర్చకు సిద్ధమేనన్న కమలాహారిస్.. అప్పటివరకు వద్దన్న ట్రంప్
-
కార్గిల్ 25వ విజయ్ దివస్.. యుద్ధ స్మారకం వద్ద మోదీ నివాళులు
-
జోబైడెన్ మెదడు అద్భుతంగా పనిచేస్తోంది: శ్వేతసౌధం డాక్టర్ల సర్టిఫికెట్