Mumbai X Bengaluru: ముంబయి బ్యాటర్ల విశ్వరూపం.. బెంబేలెత్తిన బెంగళూరు
బెంగళూరుతో జరిగిన మ్యాచ్లో ముంబయి 7 వికెట్ల తేడాతో ఘన విజయం సాధించింది. 4.3 ఓవర్లు మిగిలి ఉండగానే 196 పరుగుల భారీ లక్ష్యాన్ని ముంబయి బ్యాటర్లు ఛేదించారు.
ఎదురుగా కొండంత లక్ష్యం.. ఫామ్లో ఉన్న ఇషాన్, రోహిత్.. గత మ్యాచ్తో విజయాల బాటపట్టిన ఆ జట్టు మెల్లిగా ఇన్నింగ్స్ మొదలు పెట్టింది. సింహం రెండు అడుగులు వెనక్కి వేస్తే.. నాలుగు అడుగులు ముందుకు దూకుతుందని తెలిసిందే.. ఈ రోజు ముంబయి వేట అచ్చం అలాగే సాగింది. తొలి ఓవర్లో రెండంటే రెండే పరుగులు. రెండో ఓవర్లో 9 పరుగులు. ఇక అప్పుడు మొదలైంది ముంబయి ఊచకోత.. ఇక మ్యాచ్ గెలిచే వరకూ తగ్గనేలేదు.
తొలుత ఇషాన్, రోహిత్.. తర్వాత సూర్యకుమార్, పాండ్య ఎవరూ తగ్గిందిలేదు. ఒకరిని మించి మరొకరు.. ఎడాపెడా ఫోర్లు, సిక్సర్లు.. బంతి ఎలా వేసిన బౌండరీ దాటాల్సిందే. అంతలా ముంబయి బ్యాటర్లు శివాలెత్తిపోయారు. వీరి ఇన్నింగ్స్కు స్టేడియంలోని ప్రేక్షకులు హోరెత్తిపోయారు. ముంబయి బ్యాటర్ల విశ్వరూపానికి 197 పరుగుల భారీ లక్ష్యం.. 15.3 ఓవర్లలోనే కరిగిపోయింది.
ముంబయి: ఐపీఎల్ 17వ సీజన్లో ముంబయి (Mumbai) అదిరిపోయే ప్రదర్శన చేసింది. 197 పరుగుల భారీ లక్ష్యాన్ని ఉఫ్ అని ఊదేసింది. సొంతమైదానంలో బెంగళూరు (Bengaluru)తో జరిగిన పోరులో 7 వికెట్ల తేడాతో ఘన విజయం సాధించింది. తొలుత ఓపెనర్లు ఇషాన్ కిషన్ (Ishan Kishan) (69: 34 బంతుల్లో 7 ఫోర్లు, 5 సిక్స్లు), రోహిత్ శర్మ (Rohit Sharma) (38: 24 బంతుల్లో 3 సిక్స్లు, 3 ఫోర్లు) సిక్స్లు, ఫోర్లతో స్టేడియాన్ని హోరెత్తించి ముంబయి విజయానికి బాటలు పరిచారు. ఈ ద్వయం తొలి వికెట్కు 8.5 ఓవర్లలో 101 పరుగుల భాగస్వామ్యం నెలకొల్పింది. 38 పరుగుల తేడాతో వీరిద్దరూ ఔటైనప్పటికీ అనంతరం క్రీజులోకి వచ్చిన సూర్యకుమార్ యాదవ్ (Surya Kumar Yadav) (52; 19 బంతుల్లో 5 ఫోర్లు, 4 సిక్స్లు) పిడుగల్లే విరుచుకుపడ్డాడు. హార్దిక్ పాండ్య (Hardik Pandya) (21*; 6 బంతుల్లో 3 సిక్స్లు), తిలక్ వర్మ (16*; 10 బంతుల్లో 3 ఫోర్లు) కూడా అదరగొట్టారు.
ఒకరిని మించి ఒకరు
లక్ష్యఛేదనకు దిగిన ముంబయి మూడో ఓవర్ నుంచి దూకుడుగా ఆడింది. బ్యాటర్లు పోటాపోటీగా బౌండరీలు బాదారు. తొలుత ఇషాన్ కిషన్ ఎక్కువగా స్ట్రైకింగ్ తీసుకుని ఫోర్లు, సిక్సర్లతో అలరించాడు. సిరాజ్ వేసిన రెండో ఓవర్లో సిక్సర్ బాదిన అతడు.. టాప్లీ వేసిన మూడో ఓవర్లో హ్యాట్రిక్ ఫోర్లు దంచాడు. తర్వాతి ఓవర్లో రోహిత్ సిక్స్ కొట్టి జోరందుకున్నాడు. సిరాజ్ వేసిన ఐదో ఓవర్లో ఇషాన్ వరుసగా 6,4,6 బాదేయగా.. రోహిత్ సిక్స్ రాబట్టాడు. మ్యాక్స్వెల్ వేసిన ఆరో ఓవర్లో ఇషాన్ కిషన్ రెండు ఫోర్లు, ఓ సిక్స్ బాదేసి 23 బంతుల్లో అర్ధ శతకం అందుకున్నాడు. విజయ్ కుమార్ వేసిన తర్వాతి ఓవర్లో రోహిత్ వరుసగా సిక్స్, ఫోర్ కొట్టాడు. జోరుమీదున్న ఇషాన్.. ఆకాశ్దీప్ బౌలింగ్లో కోహ్లీకి చిక్కాడు. తర్వాత క్రీజులోకి వచ్చిన సూర్యకుమార్ యాదవ్ బెంగళూరు బౌలర్లను బెంబేలెత్తించాడు. ఆకాశ్ వేసిన 11 ఓవర్లో మూడు సిక్సర్లు, ఓ ఫోర్ దంచాడు. కాసేపటికే రోహిత్ ఔటయ్యాడు. అయినా, సూర్య జోరు తగ్గలేదు. టాప్లీ బౌలింగ్లో మూడు ఫోర్లు, ఓ సిక్స్ దంచి 17 బంతుల్లోనే హాఫ్ సెంచరీ పూర్తి చేసుకున్నాడు. తర్వాత విజయ్ బౌలింగ్లో భారీ షాట్ ఆడి లామ్రోర్కు క్యాచ్ ఇచ్చాడు. అప్పటికే ముంబయి విజయానికి చేరువగా హార్ది్క్, తిలక్ లాంఛనాన్ని పూర్తి చేశారు.
టాస్ ఓడి తొలుత బ్యాటింగ్ చేసిన బెంగళూరు నిర్ణీత 20 ఓవర్లలో 8 వికెట్లు కోల్పోయి 196 పరుగులు చేసింది. డుప్లెసిస్ (61; 40 బంతుల్లో 4 ఫోర్లు, 3 సిక్స్లు), రజత్ పటిదార్ (50; 26 బంతుల్లో 3 ఫోర్లు, 4 సిక్స్లు) అర్ధ శతకాలు బాదగా.. చివర్లో దినేశ్ కార్తిక్ (53*; 23 బంతుల్లో 5 ఫోర్లు, 4 సిక్స్లు) మెరుపులు మెరిపించాడు. ముంబయి బౌలర్లలో జస్ప్రీత్ బుమ్రా (5/21) ఆకట్టుకున్నాడు. గెరాల్డ్ కొయెట్జీ, ఆకాశ్ మధ్వాల్, శ్రేయస్ గోపాల్ తలో వికెట్ పడగొట్టారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
Dravid-Gambhir: టీమ్ఇండియా కొత్త హెడ్ కోచ్ గంభీర్కు మాజీ కోచ్ ద్రవిడ్ ప్రత్యేక సందేశం పంపాడు. ఈ వీడియోను బీసీసీఐ పంచుకుంది. -
పారిస్ ఒలింపిక్స్లో హిందీకి అరుదైన గౌరవం
పారిస్ వేదికగా జరిగిన ఒలింపిక్స్ ప్రారంభ వేడుకల్లో హిందీకి అరుదైన గౌరవం దక్కింది. -
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
నీతి ఆయోగ్ భేటీ.. వికసిత్ ఏపీ-2047లోని అంశాలను ప్రస్తావించనున్న చంద్రబాబు
-
ప్రధాని మోదీ అధ్యక్షతన నీతి ఆయోగ్ సమావేశం ప్రారంభం
-
‘కల్కి’లో రాజమౌళి ఎలా భాగమయ్యారు..?: నాగ్అశ్విన్ ఏం చెప్పారంటే
-
మదనపల్లె దస్త్రాల దహనం కేసులో ఆరోరోజు విచారణ
-
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
-
జగన్.. మీకు ఎందుకు సంఘీభావం ప్రకటించాలి?: షర్మిల