Nadal - Federer: రోజర్‌ వీడ్కోలు.. నా జీవితంలో కొంత భాగం అతడితోనే ఉండిపోయింది: నాదల్

ఇంటర్నెట్ డెస్క్‌: రోజర్ ఫెదరర్‌, రఫేల్‌ నాదల్‌ ప్రస్తుత తరంలో టెన్నిస్‌ దిగ్గజాలు. ఎంతో మంది యువతకు ఆదర్శంగా నిలిచిన వీరిద్దరిలో రోజర్ ఫెదరర్‌ ఇటీవల ప్రొఫెషనల్ టెన్నిస్‌కు వీడ్కోలు పలికిన విషయం తెలిసిందే. సెప్టెంబర్‌లో లావెర్ కప్‌ వేదికగా చివరి మ్యాచ్‌ను ఆడేశాడు. ఈ సందర్భంగా రఫేల్ నాదల్, ఫెదరర్‌ భావోద్వేగానికి గురై కంటతడిపెట్టిన ఫొటోలు అప్పట్లో వైరల్‌గా మారాయి. తాజాగా అర్జెంటీనాలో ఓ ఎగ్జిబిషన్‌ మ్యాచ్‌ సందర్భంగా రఫేల్‌ నాదల్ తన స్నేహితుడిని గుర్తు చేసుకొన్నాడు. 

‘‘నేను ప్రశంసలు కురిపించిన.. నాకు ప్రతి టోర్నీలో పోటీగా ఉన్నటువంటి ఆటగాడు, టెన్నిస్‌ కోర్టు వెలుపలా చాలా విషయాలను పంచుకొన్న దిగ్గజం ఆడకపోవడం బాధగా ఉంది. ఎందుకంటే ‘నా జీవితంలో కొంత భాగం’ అతడితోనే ఉండిపోయింది. కీలకమైన వ్యక్తి వీడ్కోలు తీసుకొన్నాడని చెప్పడం కూడా మనసుకు కష్టంగానే ఉంటుంది. నా జీవితంలోని చాలా విషయాలు టెన్నిస్‌ కంటే కూడా ఎక్కువే’’ అని నాదల్‌ వెల్లడించాడు.