Ravindra Jadeja : జడ్డూతో రాపిడ్‌ఫైర్‌ రౌండ్‌.. టీమ్‌ఇండియాలో డీజే ఎవరు..? బెస్ట్‌ స్లెడ్జర్‌ ఎవరు..?

ఇంటర్నెట్‌డెస్క్‌: టీమ్‌ ఇండియాలో ఎవరు ఫన్నీగా ఉంటారు, సోషల్‌ మీడియాలో రీల్‌ కింగ్‌ ఎవరు? భలేగా ఉన్నాయి కదా ఈ ప్రశ్నలు. అచ్చంగా ఇలాంటి ప్రశ్నలకే భారత స్టార్‌ ఆల్‌రౌండర్‌ రవీంద్ర జడేజా ఆసక్తికర సమాధానాలు చెప్పాడు. ఓ స్పోర్ట్స్‌ ఛానల్‌ ఇంటర్వ్యూలో ఈ విషయాలు వెల్లడించారు. భారత జట్టు ప్రస్తుతం వెస్టిండీస్‌ పర్యటన పనుల్లో బిజీగా ఉన్న నేపథ్యంలో ఆ పాత వీడియో వైరల్‌గా మారింది. అందులోని ఆసక్తికర ప్రశ్నలు, సమాధానాలు మీ కోసం. 

* టీమ్‌ఇండియాలో ఎవరికి మంచి గడ్డం ఉంది..?
నా గడ్డం కూడా బాగానే ఉంటుంది. అయితే.. విరాట్‌, కేఎల్‌ రాహుల్‌ మంచి గడ్డం కలిగి ఉన్నారు.

* మోస్ట్‌ ఇంప్రూవ్డ్‌ గేమర్‌..?

పుజారా

* ఫన్నీయెస్ట్‌ వాట్సాఫ్‌ ఫార్వర్డర్‌..?

ఇషాంత్‌ కిషన్‌. మా ప్రాక్టీస్‌ సెషన్‌ను అతడు చాలా ఎంటర్‌టైనింగ్‌గా చేస్తాడు.

* టీమ్‌ఇండియాలో బెస్ట్‌ స్లెడ్జర్‌ ఎవరు?

విరాట్‌ కోహ్లీ. ఇందులో కోహ్లీయే బెస్ట్‌. దీనిని సరిగ్గా ఉపయోగించుకుంటాడు. ప్రత్యర్థి ముఖం మీదే తిరిగి ఇచ్చేస్తాడు.

* విరాట్‌, రోహిత్‌లో ఎవరు ఫన్నీగా ఉంటారు..?

కోహ్లీయే. టీమ్‌లో ఇతరులను అనుకరిస్తూ ఆటపట్టిస్తుంటాడు. రోహిత్‌ కూడా ఫన్నీగానే ఉంటాడు.

* టీమ్‌లో డీజే ఎవరు..?

విరాట్‌. అన్ని తరాల ప్లేలిస్ట్‌ అతడి వద్ద ఉంటుంది. కోహ్లీ డ్రెస్సింగ్‌ రూమ్‌లోకి రాగానే మ్యూజిక్‌ను ఎంజాయ్‌ చేస్తాడు.

* ఎవరు తొందరగా రిప్లై ఇస్తారు..?

చాహల్‌.

* జట్టులో రీల్‌ కింగ్‌ ఎవరు..?

మాకు ఇద్దరు ఉన్నారు. చాహల్‌, శిఖర్‌ ధావన్‌