Ruturaj Gaikwad: రెండు రోజుల్లో పెళ్లి.. రుతురాజ్ గైక్వాడ్ ఫియాన్సీ ఎవరంటే..?
టీమ్ఇండియా ఆటగాడు, చెన్నై సూపర్ కింగ్స్ ఓపెనర్ రుతురాజ్ గైక్వాడ్ (Ruturaj) ఓ ఇంటివాడు కానున్నాడు. ఈ క్రమంలో అతడికి కాబోయే భార్య ఎవరా..? అని అభిమానుల్లో ఆసక్తి నెలకొంది.
ఇంటర్నెట్ డెస్క్: రెండు రోజుల కిందట జరిగిన ఐపీఎల్ 2023 సీజన్ (IPL 2023) ఫైనల్ మ్యాచ్లో గుజరాత్ టైటాన్స్పై చెన్నై సూపర్ కింగ్స్ విజయం సాధించింది. ఐదోసారి ఛాంపియన్గా నిలిచింది. సీఎస్కేలోని ఆటగాళ్లంతా తమ ఫ్యామిలీ మెంబర్స్తో మ్యాచ్ను చూసేందుకు హాజరయ్యారు. విజేతగా నిలిచిన తర్వాత ధోనీతో ఫొటోలూ దిగారు. ధోనీ, రవీంద్ర జడేజా, డేవన్ కాన్వే, సాంట్నర్, అజింక్య రహానె, దీపక్ చాహర్.. ఇలా తమ సతీమణులతో అభిమానులను అలరించారు. ఈ క్రమంలో చెన్నై ఓపెనర్ రుతురాజ్ గైక్వాడ్ (Ruturaj Gaikwad) కూడా తన ఫియాన్సీతో కలిసి సందడి చేశాడు. దీంతో సోషల్ మీడియాలో ఒక్కసారిగా వైరల్ మారిపోయాడు. మరో రెండు రోజుల్లో ఆమెతో రుతురాజ్కు వివాహం కూడా జరగనుంది. దీంతో ఆమె ఎవరు...? అని నెటిజన్లు సెర్చింగ్ మొదలుపెట్టారు.
రుతురాజ్ గైక్వాడ్కు కాబోయే సతీమణి పేరు ఉత్కర్ష పవార్ (Utkarsha Pawar). ఈ 24 ఏళ్ల యువతి మహారాష్ట్ర తరఫున దేశవాళీ క్రికెట్ కూడా ఆడటం విశేషం. రుతురాజ్ మాదిరిగా కేవలం బ్యాటింగ్ మాత్రమే కాకుండా బౌలింగ్ కూడా చేయగల ఆల్రౌండర్. అయితే, గత 18 నెలల నుంచి ఆమె క్రికెట్కు దూరంగా ఉంటున్నారు. ప్రస్తుతం పుణెలోని ఇన్స్టిట్యూట్ ఆఫ్ న్యూట్రీషియన్, ఫిట్నెస్ సైన్స్ (INFS)లో చదువుకుంటున్నారు. రుతురాజ్ - ఉత్కర్ష వివాహం జూన్ 3వ తేదీన జరగనుంది. దీంతో డబ్ల్యూటీసీ ఫైనల్ మ్యాచ్కు స్టాండ్బైగా ఉన్న రుతురాజ్ అందుబాటులో ఉండనని బీసీసీఐకి సమాచారం ఇచ్చాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.