IND vs BAN: రోహిత్‌తో కలిసి ఓపెనింగ్‌.. నిరాశపరిచిన శాంసన్‌

న్యూయార్క్‌: టీ 20 వరల్డ్‌ కప్‌ ఆడేందుకు అమెరికా వెళ్లిన టీమ్‌ ఇండియా వార్మప్‌ మ్యాచ్‌లో భాగంగా బంగ్లాదేశ్‌తో తలపడుతోంది. టాస్‌ గెలిచిన భారత కెప్టెన్‌ రోహిత్‌శర్మ బ్యాటింగ్‌ ఎంచుకున్నాడు. అయితే, రోహితో కలిసి, యశస్వి జైస్వాల్‌ ఓపెనింగ్‌ చేస్తాడని అందరూ భావించారు. కానీ, దానికి భిన్నంగా రోహిత్‌శర్మ, సంజూ శాంసన్‌ ఓపెనర్లుగా క్రీజులోకి వచ్చారు. శుక్రవారమే న్యూయార్క్‌ చేరుకున్న విరాట్‌ కోహ్లీ ఈ మ్యాచ్‌లో ఆడటం లేదు. మరోవైపు తొలి 7 ఓవర్లలో భారత్‌ 2 వికెట్లు కోల్పోయి 61 పరుగులు చేసింది. సంజూ శాంసన్‌ (1) నిరాశ పరిచాడు. రోహిత్‌ శర్మ (23) ఫర్వాలేదనిపించాడు. రిషభ్‌ పంత్‌ (29), సూర్యకుమార్‌ యాదవ్‌ (1) క్రీజులో కొనసాగుతున్నారు.