T20 World Cup 2024: కంగారూలు ఘనంగా..
ఆల్రౌండర్ మార్కస్ స్టాయినిస్ అదరగొట్టాడు. అతడు బ్యాటు, బంతితో చెలరేగడంతో ఆస్ట్రేలియా విజయంతో టీ20 ప్రపంచకప్ వేటను ఆరంభించింది.
మెరిసిన స్టాయినిస్
ఒమన్పై ఆసీస్ విజయం
బ్రిడ్జ్టౌన్: ఆల్రౌండర్ మార్కస్ స్టాయినిస్ అదరగొట్టాడు. అతడు బ్యాటు, బంతితో చెలరేగడంతో ఆస్ట్రేలియా విజయంతో టీ20 ప్రపంచకప్ వేటను ఆరంభించింది. గురువారం ఆసీస్ 39 పరుగుల తేడాతో ఒమన్ను ఓడించింది. స్టాయినిస్ (67 నాటౌట్; 36 బంతుల్లో 2×4, 6×6), వార్నర్ (56; 51 బంతుల్లో 6×4, 1×6) రాణించడంతో ఆసీస్ మొదట 5 వికెట్లకు 164 పరుగులు చేసింది. మెహ్రాన్ ఖాన్ (2/38), బిలాల్ ఖాన్ (1/36), కలీముల్లా (1/30) బంతితో రాణించారు. వికెట్లు తీయకున్నా అకిబ్ (0/18), షకీల్ (0/28) కట్టుదిట్టంగా బౌలింగ్ చేశారు. ఛేదనలో ఒమన్ 9 వికెట్లకు 125 పరుగులే చేయగలిగింది. స్టాయినిస్ (3/19), స్టార్క్ (2/20), ఎలిస్ (2/28), జంపా (2/24) ఆ జట్టు పతనాన్ని శాసించారు అయాన్ ఖాన్ (36) టాప్ స్కోరర్. ఈ మ్యాచ్లో ఓటమి చవిచూసినప్పటికీ పసికూన ఒమన్ బ్యాటుతో, బంతితో ఆకట్టుకునే ప్రదర్శనే చేసింది.
రాణించిన ఆ ఇద్దరు: ఆస్ట్రేలియా విజయంపై ఏ దశలోనూ సందేహాలు లేనప్పటికీ తన బ్యాటింగ్ ప్రథమార్థంలో ఆ జట్టు కాస్త ఒత్తిడిని ఎదుర్కొంది. టాస్ ఓడి బ్యాటింగ్కు దిగిన ఆసీస్ 9 ఓవర్లలో 52 పరుగులే చేసి 3 వికెట్లు కోల్పోయింది. ఒమన్ బౌలర్లు కట్టుదిట్టంగా బౌలింగ్ చేశారు. హెడ్ (12), మార్ష్ (14) విఫలమయ్యారు. పేలవ ఫామ్ను కొనసాగిస్తూ మ్యాక్స్వెల్ డకౌటయ్యాడు. అయితే ఓపెనర్ వార్నర్తో కలిసి స్టాయినిస్ జట్టును ఆదుకున్నాడు. వార్నర్ జాగ్రత్తగా ఆడగా.. నెమ్మదిగా మొదలెట్టిన స్టాయినిస్ క్రమంగా చెలరేగిపోయాడు. ఎదుర్కొన్న తొలి 15 బంతుల్లో 11 పరుగులే చేసిన స్టాయినిస్.. మెహ్రాన్ వేసిన ఓ ఓవర్లో ఏకంగా నాలుగు సిక్స్లు బాదాడు. వార్నర్తో నాలుగో వికెట్కు అతడు 102 పరుగులు జోడించడంతో కంగారు జట్టు 160 దాటగలిగింది. వార్నర్, టిమ్ డేవిడ్ ఆఖర్లో ఔటయ్యారు. ఛేదనలో ఒమన్ ఏ దశలోనూ పోటీలో లేదు. ఆసీస్ బౌలర్ల ధాటికి క్రమం తప్పకుండా వికెట్లు కోల్పోయింది. అయితే అయాన్ ఖాన్తో పాటు మెహ్రాన్ ఖాన్ (27) కాస్త రాణించడంతో ఒమన్ కాస్త గౌరవప్రదంగా ఓడింది.
ఆస్ట్రేలియా ఇన్నింగ్స్: వార్నర్ (సి) షోయబ్ ఖాన్ (బి) కలీముల్లా 56; హెడ్ (సి) కైల్ (బి) బిలాల్ ఖాన్ 12; మిచెల్ మార్ష్ (సి) షోయబ్ ఖాన్ (బి) మెహ్రాన్ ఖాన్ 14; మ్యాక్స్వెల్ (సి) అకిబ్ (బి) మెహ్రాన్ ఖాన్ 0; స్టాయినిస్ నాటౌట్ 67; టిమ్ డేవిడ్ రనౌట్ 9; ఎక్స్ట్రాలు 6 మొత్తం: (20 ఓవర్లలో 5 వికెట్లకు) 164; వికెట్ల పతనం: 1-19, 2-50, 3-50, 4-152, 5-164; బౌలింగ్: 4-0-36-1; కలీముల్లా 3-0-30-1; షకీల్ అహ్మద్ 4-0-28-0; మెహ్రాన్ ఖాన్ 4-0-38-2; అకిబ్ 4-0-18-0; జీషన్ మక్సూద్ 1-0-12-0
ఒమన్ ఇన్నింగ్స్: కశ్యప్ ఎల్బీ (బి) ఎలిస్ 7; ప్రతీక్ ఎల్బీ (బి) స్టార్క్ 0; అకిబ్ (సి) వేడ్ (బి) స్టాయినిస్ 18; జీషన్ (సి) వేడ్ (బి) స్టాయినిస్ 1; కైల్ (సి) మ్యాక్స్వెల్ (బి) స్టార్క్ 8; అయాన్ ఖాన్ (సి) హేజిల్వుడ్ (బి) జంపా 36; షోయబ్ ఖాన్ (బి) జంపా 0; మెహ్రాన్ ఖాన్ (సి) డేవిడ్ (బి) స్టాయినిస్ 27; షకీల్ (సి) వార్నర్ (బి) ఎలిస్ 11; కలీముల్లా నాటౌట్ 6; బిలాల్ ఖాన్ నాటౌట్ 1; ఎక్స్ట్రాలు 10 మొత్తం: (20 ఓవర్లలో 9 వికెట్లకు) 125; వికెట్ల పతనం: 1-6, 2-23, 3-29, 4-34, 5-56, 6-67, 7-89, 8-117, 9-123; బౌలింగ్: స్టార్క్ 3-0-20-2; హేజిల్వుడ్ 4-0-21-0; ఎలిస్ 4-0-28-2; స్టాయినిస్ 3-0-19-3; మ్యాక్స్వెల్ 2-0-11-0; జంపా 4-0-24-2
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
Dravid-Gambhir: టీమ్ఇండియా కొత్త హెడ్ కోచ్ గంభీర్కు మాజీ కోచ్ ద్రవిడ్ ప్రత్యేక సందేశం పంపాడు. ఈ వీడియోను బీసీసీఐ పంచుకుంది. -
పారిస్ ఒలింపిక్స్లో హిందీకి అరుదైన గౌరవం
పారిస్ వేదికగా జరిగిన ఒలింపిక్స్ ప్రారంభ వేడుకల్లో హిందీకి అరుదైన గౌరవం దక్కింది. -
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
మా పాలన బాగా లేదని చెబితే సరిపోతుందా?.. ఆధారాలు చూపండి: హరీశ్రావు
-
నాపై కాల్పులు జరిగిన చోటే ర్యాలీ నిర్వహిస్తా: ట్రంప్
-
ఏపీకి ఐపీఎస్ కేడర్ స్ట్రెంత్ పెంపు
-
‘రాయన్’ సక్సెస్.. ఫొటో వైరల్
-
నీతి ఆయోగ్ భేటీ.. వికసిత్ ఏపీ-2047లోని అంశాలను ప్రస్తావించనున్న చంద్రబాబు
-
ప్రధాని మోదీ అధ్యక్షతన నీతి ఆయోగ్ సమావేశం ప్రారంభం