WPL: అదరగొట్టిన ఆర్సీబీ.. 113 పరుగులకే ముంబయి ఆలౌట్‌

దిల్లీ: మహిళల ప్రీమియర్‌ లీగ్‌లో భాగంగా ముంబయి ఇండియన్స్‌తో జరుగుతోన్న మ్యాచ్‌లో రాయల్‌ ఛాలెంజర్స్‌ బెంగళూరు బౌలర్లు అదరగొట్టారు. ఎలిస్‌ పెర్రీ విజృంభించి ఆరు వికెట్లు తీసిన వేళ ముంబయి జట్టు నిర్ణీత 20 ఓవర్లలో ఒక ఓవర్‌ మిగిలి ఉండగానే 113 పరుగుల వద్ద ఆలౌటైంది. ఓపెనర్లు సజన(30), హెలీ మ్యాథ్యూస్‌(26) ఫర్వాలేదనిపించారు. ఆ తర్వాత క్రీజులోకి వచ్చిన బ్యాటర్లు తక్కువ స్కోరుకే వెనుదిరిగారు. బెంగళూరు బౌలర్లలో ఎలిస్‌ పెర్రీ 6 వికెట్లు పడగొట్టింది. సోఫీ మోలినిక్స్‌, సోఫీ డివైన్‌, ఆశ, శ్రేయాంక ఒక్కో వికెట్‌ తీశారు. కీలక మ్యాచ్‌లో బెంగళూరు విజయం సాధించాలంటే 114 పరుగులు చేయాలి.