జూబ్లీహిల్స్‌లో కాంగ్రెస్‌ను గెలిపించాలి

మైనార్టీ నేతలకు మహేశ్‌కుమార్‌గౌడ్‌ పిలుపు

ఈనాడు, హైదరాబాద్‌: జూబ్లీహిల్స్‌ ఉప ఎన్నికలో కాంగ్రెస్‌ను గెలిపించాలని మైనార్టీ నేతలకు పీసీసీ అధ్యక్షుడు మహేశ్‌కుమార్‌గౌడ్‌ పిలుపునిచ్చారు. మంగళవారం గోల్కొండ హోటల్‌లో మైనార్టీ నేతలతో ఆయన సమావేశమై ఎన్నికల ప్రచారంపై చర్చించారు. మంత్రి పొన్నం ప్రభాకర్, కాంగ్రెస్‌ అభ్యర్థి నవీన్‌యాదవ్, ఏఐసీసీ కార్యదర్శి విశ్వనాథన్‌ తదితరులు పాల్గొన్నారు. మైనార్టీల సంక్షేమానికి కాంగ్రెస్‌ ప్రభుత్వం అనేక పథకాలను అమలు చేస్తోందని మహేశ్‌కుమార్‌గౌడ్‌ వివరించారు. ఉప ఎన్నికలో పార్టీని గెలిపించి రాష్ట్ర ప్రభుత్వానికి మరింత మద్దతివ్వాలని ఆయన కోరారు. మైనార్టీల సమస్యలను ఈ సందర్భంగా వారు వివరించగా వాటి పరిష్కారానికి కృషి చేస్తానని మహేశ్‌కుమార్‌గౌడ్‌ హామీ ఇచ్చారు. ఎన్నికల్లో కలిసి పనిచేస్తామని మైనార్టీ నేతలు ఆయనకు తెలిపారు.