Mlc Kavitha: కేసీఆర్‌ లేకుంటే నల్గొండ లిల్లీపుట్‌ ఎవరు?: ఎమ్మెల్సీ కవిత

హైదరాబాద్‌: ఇంటి ఆడబిడ్డపై వ్యాఖ్యలు చేస్తే భారత రాష్ట్ర సమితి సోదరులు మాట్లాడలేదని ఎమ్మెల్సీ కవిత అన్నారు. తనపై కుట్ర చేస్తోంది BRS పెద్ద నాయకుడు అని ఆరోపించారు. ‘‘నల్గొండ జిల్లాలో పార్టీ ఓటమికి కారణమైన లిల్లీపుట్ నేత నా గురించి మాట్లాడుతారా? కేసీఆర్‌ లేకుంటే ఆ లిల్లీపుట్‌ ఎవరు? మా నాన్న కేసీఆర్‌కు రాసిన లేఖ బయటకు లీక్‌ చేసింది ఎవరు? భాజపా ఎంపీ సీఎం రమేశ్ ఎందుకు మాట్లాడారో నాకు తెలియదు. ఆయన నాకు తెలుసు కానీ, గత ఆరు నెలల్లో ఎప్పుడూ మాట్లాడలేదు. ప్రభుత్వం, కోర్టు అనుమతి లేకుంటే ఇంటి నుంచే బీసీ రిజర్వేషన్ల కోసం దీక్ష చేస్తా. మ్యాచ్‌ ఫిక్సింగ్‌ చేసే వారే.. నా వెనుక ప్రభుత్వం ఉందంటే ఎలా’’ అని కవిత అన్నారు.