‘జలశక్తి’ సమావేశాన్ని వాయిదా వేయండి

ఆ శాఖ ముఖ్య కార్యదర్శికి సీఎస్‌ శాంతికుమారి లేఖ

ఈనాడు, హైదరాబాద్‌: నాగార్జునసాగర్‌ ప్రాజెక్టు నిర్వహణ విషయంలో శుక్రవారం ఏపీ, తెలంగాణలతో జలశక్తి శాఖ దిల్లీలో నిర్వహించే సమావేశాన్ని వాయిదా వేయాలని రాష్ట్ర ప్రభుత్వ ప్రధాన కార్యదర్శి(సీఎస్‌) శాంతికుమారి కేంద్రాన్ని కోరారు. ఈ మేరకు గురువారం ఆమె జలశక్తి మంత్రిత్వ శాఖ ముఖ్య కార్యదర్శికి లేఖ రాశారు. రాష్ట్రంలో కొత్త ప్రభుత్వం అధికారాన్ని చేపట్టిందని, మంత్రి మండలి సమావేశాలు, ఇతర ఏర్పాట్లలో యంత్రాంగం నిమగ్నమై ఉందని తెలిపారు.  దీనిని దృష్టిలో పెట్టుకుని సమావేశాన్ని జనవరిలో నిర్వహించాలని లేఖలో విజ్ఞప్తి చేశారు.