మత్తుమందుల నివారణకు బహుముఖ వ్యూహం: జూపల్లి

ఈనాడు, హైదరాబాద్‌: రాష్ట్రంలో మత్తుమందులను అరికట్టేందుకు బహుముఖ వ్యూహం అనుసరించాలని ఆబ్కారీశాఖ మంత్రి జూపల్లి కృష్ణారావు సూచించారు. తెలంగాణ ఎక్సైజ్‌ అండ్‌ ప్రొహిబిషన్‌శాఖ గెజిటెడ్‌ అధికారుల సంఘం డైరీని గురువారం ఆయన తన ఛాంబర్లో ఆవిష్కరించారు. ఈ సందర్భంగా మాట్లాడుతూ.. మత్తుమందుల నియంత్రణకు అవసరమైన సాంకేతిక నైపుణ్యం అభివృద్ధి చేసుకోవాలన్నారు. మద్యం అక్రమ రవాణాను కూడా అడ్డుకోవాలని సూచించారు. కార్యక్రమంలో సంఘం అధ్యక్షుడు జె.హరికృష్ణ, ప్రధాన కార్యదర్శి సీహెచ్‌.విజయ్‌, కోశాధికారి డి.శ్రీనివాస్‌, సంయుక్త కార్యదర్శి కృష్ణప్రియ తదితరులు పాల్గొన్నారు.