Sangareddy: హామీని మరచిన అధికారులు.. బడికి తాళం వేసిన రైతు

సంగారెడ్డి జిల్లా మొగుడంపల్లిలో పాఠశాల నిర్మాణానికి రైతు మర్కల్‌ బక్కన్న నుంచి 2001లో ప్రభుత్వం 10 గుంటల భూమిని తీసుకుంది. దీనికి బదులుగా వేరే ప్రాంతంలో అదే విస్తీర్ణంలో భూమి కేటాయిస్తామని నాడు అధికారులు హామీ ఇచ్చారు. 23 ఏళ్లయినా ఆ హామీ నెరవేరకపోవడంతో.. ఓపిక నశించిన ఆ రైతు సోమవారం బడికి తాళం వేశారు. ప్రస్తుతం ఉండేందుకు ఇల్లు లేక అద్దె గదుల్లో ఉంటున్నట్లు బక్కన్న, ఆయన కుమారుడు, కోడలు తెలిపారు. న్యాయబద్ధంగా తమకు మరోచోట పది గుంటల భూమి కేటాయించేవరకు తాళం తీయబోమని స్పష్టంచేశారు. అధికారులు వచ్చి నచ్చజెప్పినా తాళాలు ఇవ్వలేదు.  

న్యూస్‌టుడే, జహీరాబాద్‌ అర్బన్‌