చి‘వరి’కి మిగిలింది చెలమ నీరు..

మండుతున్న ఎండలతో జిల్లాల్లో భూగర్భజలాలు రోజురోజుకు తగ్గిపోతున్నాయి. బోర్లు, బావులు, వాగుల్లో నీరు కరవైంది. ఎస్సారెస్పీ జలాలు అంతంత మాత్రమే వస్తున్నాయి. దీంతో నీటి కోసం రైతులు పడరాని పాట్లు పడుతున్నారు. మహబూబాబాద్‌ జిల్లా నర్సింహులపేట మండలం కౌసల్యాదేవిపల్లి గ్రామ శివారు ఆకేరు వాగు సమీపంలో రైతు ఏర్పుల వెంకన్న తనకున్న రెండెకరాల్లో వరి వేయగా ఎకరం పంట ఎండిపోయింది. మిగిలిన పంట కాపాడుకోవడానికి రూ.20 వేలు వెచ్చించి ఆకేరు వాగులో యంత్రంతో 15 ఫీట్ల లోతు వరకు బావి తవ్వించి మోటారు బిగించారు. మొదట్లో నీరు సమృద్ధిగా వచ్చినా ఎండలు పెరగడంతో భూగర్భజలాలు ఇంకిపోయాయి. దీంతో ఇలా బావిలో చెలమను తోడి వచ్చిన జలాలతో అరగంటకు ఒకసారి మోటారు సహాయంతో పంటకు నీరు అందిస్తున్నారు.

న్యూస్‌టుడే, నర్సింహులపేట