‘సమతామూర్తి’ సందర్శన వేళల్లో మార్పు

శంషాబాద్‌, న్యూస్‌టుడే: రంగారెడ్డి జిల్లా శంషాబాద్‌ మండల పరిధిలోని శ్రీరామనగరంలో కొలువుదీరిన సమతామూర్తి స్ఫూర్తి కేంద్రం సందర్శన వేళలను వేసవి సెలవుల సందర్భంగా మార్చినట్లు నిర్వాహకులు ఆదివారం ఓ ప్రకటనలో తెలిపారు. ఇవి ఏప్రిల్‌ 1 నుంచి అమల్లోకి వస్తాయన్నారు. సోమవారం నుంచి శుక్రవారం వరకు ఉదయం 8.30 నుంచి మధ్యాహ్నం 12 గంటల వరకు, సాయంత్రం 4 నుంచి రాత్రి 8 గంటల వరకు సందర్శించవచ్చన్నారు. శని, ఆదివారాల్లో ఉదయం 8.30 నుంచి మధ్యాహ్నం 12 వరకు, సాయంత్రం 4 నుంచి రాత్రి 9 వరకు భక్తులు రావచ్చన్నారు. బుధవారం సెలవును రద్దు చేసినట్లు పేర్కొన్నారు.