చేపల ఇళ్లు చూశారా..!

వనపర్తి జిల్లా వీపనగండ్ల మండలం గోపల్‌దిన్నె జలాశయంలో చేపలు ఏర్పాటు చేసుకున్న నివాసాలు ఇవి. తిలాఫియా (దూబొచ్చ) అనే రకం చేపలు సంతానోత్పత్తిని పెంచుకునేందుకు గుంతలు తవ్వుకొని అందులో గుడ్లు పెట్టి పిల్లలను పెంచుకుంటాయి. జలాశయంలో భారీగా నీటిమట్టం తగ్గడంతో అడుగు భాగంలో చేపలు తయారు చేసుకున్న నివాసాలు ఇలా బయటపడ్డాయి. వీటి గురించి జిల్లా మత్స్యశాఖ అధికారి లక్ష్మప్ప మాట్లాడుతూ తిలాఫియా చేపలు ఏడాదిలో మూడు సార్లు సంతానోత్పత్తిని పెంచుకునేందుకు రక్షణగా ఇలా నివాసాలు ఏర్పాటు చేసుకుంటాయని తెలిపారు.

పెబ్బేరు, న్యూస్‌టుడే