మే 29, 30లలో బాల సాహిత్య సమ్మేళనం

నారాయణగూడ, న్యూస్‌టుడే: తెలంగాణ సారస్వత పరిషత్తు ఆధ్వర్యంలో మే 29, 30న హైదరాబాద్‌లో ‘బాల సాహిత్య సమ్మేళనం’ నిర్వహించనున్నారు. రెండు తెలుగు రాష్ట్రాలకు చెందిన పాఠశాలల విద్యార్థులు, తెలుగు ఉపాధ్యాయులు, బాల సాహితీవేత్తలు సమ్మేళనంలో పాల్గొంటారని పరిషత్తు అధ్యక్షుడు ఆచార్య ఎల్లూరి శివారెడ్డి, ప్రధాన కార్యదర్శి డాక్టర్‌ జుర్రు చెన్నయ్య శుక్రవారం ఒక ప్రకటనలో తెలిపారు. పాఠశాల స్థాయిలో తెలుగు భాషావికాసం, రచనాభిరుచి పెంపొందించడం, కథలు చెప్పడంలో మెలకువలు, సంగీతం, నృత్యం, నాటకం, చిత్రలేఖనం వంటి అంశాలపై సదస్సులు, చర్చాగోష్ఠులు ఉంటాయన్నారు. ప్రతినిధులుగా పాల్గొనాలనుకున్న వారు ఈ నెల 30 లోపు వాట్సాప్‌ నంబరు 96037 27234 కు వివరాలు పంపి పేర్లు నమోదు చేసుకోవాలని సూచించారు.