నెర్రలు బారిన మూసీ

గతేడాది మే నెలలోనూ నిండుకుండను తలపించిన మధ్యతరహా ప్రాజెక్టు మూసీ ఈ ఏడాది ఏప్రిల్‌లోనే నెర్రలుబారుతోంది. నల్గొండ జిల్లా కేతేపల్లి మండలంలోని ఈ ప్రాజెక్టు కింద 33 వేల ఎకరాల ఆయకట్టు ఉండగా.. దీని పరిధిలోని కుడి, ఎడమకాల్వల కింద ఈ ఏడాది రెండు పంటలకూ నీళ్లందించారు. ప్రాజెక్టు పూర్తిస్థాయి నీటిమట్టం 4.46 టీఎంసీలు కాగా.. ప్రస్తుతం 0.38 టీఎంసీల నీరు మాత్రమే ఉంది. జలాశయంలో నీటిమట్టం తగ్గడంతో పరీవాహకంలోని బోరుబావులు వట్టిపోతున్నాయి. 1990లో చివరిసారిగా ఈ ప్రాజెక్టు పూర్తిగా ఎండిపోయిందని స్థానికులు చెబుతున్నారు.

ఈనాడు, నల్గొండ