గురుకుల విద్యార్థి మృతి ఘటనపై కేంద్రం ఆగ్రహం

నివేదిక ఇవ్వాలని జాతీయ ఎస్సీ కమిషన్‌కు ఆదేశం
విచారణకు 22న బృందం రాక

భువనగిరి, న్యూస్‌టుడే: భువనగిరి సాంఘిక సంక్షేమ గురుకుల పాఠశాలలో ఫుడ్‌ పాయిజనింగ్‌ సంఘటనపై కేంద్రం ఆగ్రహం వ్యక్తం చేసింది. విచారణ జరిపి నివేదిక ఇవ్వాలని జాతీయ ఎస్సీ కమిషన్‌ను ఆదేశించింది. ఈ మేరకు కేంద్ర బృందం ఈ నెల 22న భువనగిరికి రానుంది. ఈ నెల 12న పాఠశాలలో 26 మంది విద్యార్థులు అస్వస్థతకు గురవగా చికిత్స పొందుతూ 16న ప్రశాంత్‌ అనే విద్యార్థి మృతిచెందాడు. దీనిపై కేంద్ర బృందం పాఠశాలను సందర్శించి నివేదిక ఇవ్వనుంది. ఈ మేరకు స్థానిక ఆర్డీవోకు సమాచారం అందినట్లు తెలిసింది.