4.5 కిలోల ‘పెద్ద’ లక్ష్మణ ఫలం

భువనగిరి పట్టణం, న్యూస్‌టుడే: సాధారణంగా లక్ష్మణ ఫలం కిలో నుంచి రెండు కిలోల వరకు ఉంటుంది. కానీ భువనగిరి పట్టణ శివారులోని అమేయ కృషి విజ్ఞాన కేంద్రంలో లక్ష్మణ ఫలం అధిక బరువుతో కాసింది. ఈ ఫలం 4.5కిలోల అధిక బరువుతో పాటు 15 అంగుళాల పొడువుగా కాయడం అరుదైన విషయమని కేంద్ర నిర్వాహకుడు జిట్టా బాల్‌రెడ్డి అన్నారు. సోర్‌సూప్‌ పేరుతో పిలిచే లక్ష్మణ ఫలం చెట్టు ఏటా రెండు దఫాలుగా కాత కాస్తుందన్నారు. క్యాన్సర్‌ వ్యాధి నియంత్రణకు, ఆయుర్వేద మందుల తయారీకీ ఈ చెట్టులోని అన్ని భాగాలు వినియోగిస్తున్నారని ఆయన పేర్కొన్నారు. కిలో పండు రూ.150కి విక్రయిస్తున్నట్లు చెప్పారు.