పాదాలు నర్తించె.. జల పాఠాలు బోధించె

ఈనాడు, హైదరాబాద్‌: సోమవారం ప్రపంచ ధరిత్రి దినోత్సవాన్ని పురస్కరించుకుని హైదరాబాద్‌లోని ఐటీ ఉద్యోగులకు చెందిన ఓ స్వచ్ఛంద సంస్థ ఆదివారం ‘లేక్‌ క్లీన్‌ అప్‌’ కార్యక్రమం నిర్వహించింది. నగరంలోని చెరువుల పరిరక్షణ, పరిసరాల్లో వ్యర్థాలు, చెత్త తొలగింపు తదితర పనులపై వినూత్నంగా అవగాహన కల్పించింది. ఈ సందర్భంగా మణికొండ పురపాలక సంఘం పరిధిలోని నెక్నాంపూర్‌ చెరువు గట్టు వద్ద ఏర్పాటు చేసిన వేదికపై సంస్థకు చెందిన పలువురు యువతులు  చెరువుల రక్షణ, నీటి లభ్యతపై అవగాహన కల్పిస్తూ, ఆలోచింపజేసేలా నాట్య ప్రదర్శనలిచ్చారు.