మధుమేహ చిన్నారుల మానసికోల్లాసానికి..

వరంగల్‌ ఎంజీఎం ఆసుపత్రిలో శుక్రవారం నిర్వహించిన ప్రత్యేక శిబిరంలో పదుల సంఖ్యలో టైప్‌ 1 మధుమేహంతో బాధపడుతున్న చిన్నారులు పాల్గొన్నారు. ‘నోవో నార్డిస్క్‌’ అనే సంస్థ ఏర్పాటు చేసిన ప్రత్యేక కేంద్రంలో వందమందికి పైగా చికిత్స పొందుతుండగా వారిలో ఏడాది నుంచి 15 ఏళ్లున్న పిల్లలున్నారు. నిత్యం ఇన్సులిన్‌ తీసుకోవాల్సి రావడంతో వీరిలో చాలామంది కుంగుబాటుకు గురవుతున్నారని గ్రహించిన వైద్యులు పిల్లలందరినీ ఒక చోట కలిపేలా ఈ శిబిరాన్ని ఏర్పాటు చేశారు.  వారికి పలు పోటీలు నిర్వహించి బహుమతులు అందజేశారు. ఇది పెద్ద వ్యాధి కాదని ఆత్మస్థైర్యం నింపారు. ‘గ్రో ఔట్ ఆఫ్‌ డయాబెటిస్‌’ అనేది ఈ శిబిరం ఉద్దేశమని ఎంజీఎం ఆసుపత్రి పర్యవేక్షకుడు డాక్టర్‌ వి.చంద్రశేఖర్‌ తెలిపారు. 

ఈనాడు, వరంగల్‌; న్యూస్‌టుడే, ఎంజీఎం ఆసుపత్రి