సీఎం సహాయనిధి పునరుద్ధరణ

ఈనాడు, హైదరాబాద్‌: రాష్ట్రంలో ఎన్నికల కోడ్‌ ముగిసిన నేపథ్యంలో ముఖ్యమంత్రి సహాయ నిధి (సీఎం రిలీఫ్‌ ఫండ్‌)ని ప్రభుత్వం పునరుద్ధరించింది. నూతన ప్రభుత్వం ఏర్పాటు తర్వాత ఎన్నికల నియమావళి రావడంతో.. వేలాదిగా సీఎంఆర్‌ఎఫ్‌ దరఖాస్తులు నిలిచిపోయాయి. గత ప్రభుత్వంలో సీఎంఆర్‌ఎఫ్‌ కింద నిధులు విడుదల చేసి.. మధ్యలో నిలిపివేసిన సుమారు 60 వేల మంది లబ్ధిదారులకు ఇవ్వాలని ముఖ్యమంత్రి రేవంత్‌రెడ్డి ఆదేశాలు జారీచేశారు. ఒకట్రెండు రోజుల్లో లబ్ధిదారులకు సీఎంఆర్‌ఎఫ్‌ చెక్కులను పంపిణీ చేయడానికి సర్కారు సన్నాహాలు చేస్తోంది.