Phone: ఫోన్ కోసం డ్రైనేజీలోకి దిగి.. 36 గంటలపాటు అందులోనే చిక్కుకుపోయి!
ఫోన్ కోసం అండర్గ్రౌండ్ డ్రైనేజీలోకి దిగిన ఓ యువకుడు.. 36 గంటలపాటు అందులోనే చిక్కుకుపోయిన ఘటన ఆస్ట్రేలియాలో చోటుచేసుకుంది.
ఇంటర్నెట్ డెస్క్: ఫోన్ కోసం అండర్గ్రౌండ్ డ్రైనేజీలోకి దిగిన ఓ యువకుడు అందులోనే చిక్కుకుపోయాడు. ఈ క్రమంలో ఏకంగా ఒకటిన్నర రోజు (దాదాపు 36 గంటల) అక్కడే ఉండిపోవడం గమనార్హం. చివరకు తనను కాపాడాలంటూ కేకలు పెట్టడంతో రంగంలోకి దిగిన సహాయ సిబ్బంది.. బాధితుడిని సురక్షితంగా బయటకు తీసుకువచ్చారు. ఈ ఘటన ఆస్ట్రేలియాలో చోటుచేసుకుంది. అయితే, పోలీసులు మాత్రం అతడు ఓ వాహనాన్ని ఢీకొట్టి పారిపోయిన కేసులో నిందితుడిగా అనుమానిస్తున్నారు.
బ్రిస్బేన్లోని క్యాసిల్బార్ వీధిలో ఆదివారం నడుచుకుంటూ వెళ్తున్న ఓ వ్యక్తికి అక్కడి అండర్గ్రౌండ్ డ్రైనేజీ నుంచి అరుపులు వినిపించాయి. లోనికి చూసి సాయం చేస్తానని అడగగా.. అటువైపు నుంచి వద్దనే సమాధానం వచ్చింది. దాంతో అతడు అక్కడి నుంచి వెళ్లిపోయాడు. మరుసటి రోజు అదే వ్యక్తి అటువైపు వెళ్తుండగా.. ‘రక్షించండి’ అనే కేకలను మళ్లీ విన్నాడు. వెంటనే స్థానిక పోలీసులకు సమాచారం అందించాడు. రంగంలోకి దిగిన రెస్క్యూ సిబ్బంది డ్రైనేజీలో చిక్కుకున్న వ్యక్తిని సురక్షితంగా బయటకు తీశారు. అతడి శరీరంపై స్వల్ప గాయాలున్నట్లు గుర్తించి ఆసుపత్రికి తరలించారు. అనంతరం అతడిని విచారించినట్లు క్వీన్స్లాండ్ పోలీసులు వెల్లడించారు.
ఫోన్ కోసమే అందులోకి దిగినట్లు బాధితుడు చెప్పినప్పటికీ పోలీసులు మాత్రం అనుమానాలు వ్యక్తం చేశారు. ఆదివారం ఉదయం తమ వాహనాలను ఓ అనుమానాస్పద కారు ఢీ కొట్టుకుంటూ వెళ్లిందని, అనంతరం డ్రైవర్ అందులో దూకి పారిపోయాడని చెప్పారు. ఆ వ్యక్తి ఇతడేనని.. పోలీసుల నుంచి తప్పించుకునేందుకే డ్రైనేజీలో దాక్కుని ఉండొచ్చని అనుమానిస్తున్నారు. అతడు కోలుకున్న తర్వాత పూర్తి విచారణ జరుపుతామన్నారు. ఈ నేపథ్యంలో అండర్గ్రౌండ్ డ్రైనేజీ ప్రమాదకరమని, ప్రజలు వాటిపై అప్రమత్తంగా ఉండాలని స్థానిక అధికారులు సూచించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కిందపడేసి, మోకాలితో అదిమిపెట్టి..
అగ్రరాజ్యం అమెరికాలో పోలీసుల కర్కశత్వానికి ఫ్రాంక్ టైసన్ (53) అనే ఆఫ్రో-అమెరికన్ ప్రాణాలు కోల్పోయాడు. -
జీవ వైవిధ్యానికి గొడ్డలిపెట్టు కానున్న వాతావరణ మార్పులు
ఈ శతాబ్దం మధ్యనాటికి జీవవైవిధ్యంలో క్షీణతకు వాతావరణ మార్పులే ప్రధాన కారణమవుతాయని తాజా అధ్యయనం పేర్కొంది. -
కాల్పుల విరమణపై ఇజ్రాయెల్ తాజా ప్రతిపాదన
రఫాపై దాడికి ఇజ్రాయెల్ సిద్ధమవుతుందన్న వార్తల నేపథ్యంలో కాల్పుల విరమణ చర్చలు ఊపందుకుంటున్నాయి. తాజాగా ఇజ్రాయెల్ తమకు ఓ ప్రతిపాదన పంపినట్లు హమాస్ తెలిపింది. -
బ్రెజిల్లోని హోటల్లో అగ్నిప్రమాదం
దక్షిణ బ్రెజిల్లోని పాటో అలెగ్రి నగరంలో అగ్నిప్రమాదం చోటుచేసుకుంది. నిరాశ్రయులైన వారికి ఆశ్రయం కల్పించేందుకు స్థానిక ప్రభుత్వం ఒప్పందం కుదుర్చుకున్న ఓ హోటల్లో శుక్రవారం తెల్లవారుజామున 2 గంటల సమయంలో మంటలు చెలరేగాయి. -
చిత్రవార్త
-
అమెరికా డ్రోన్ను కూల్చిన హూతీలు
ఎర్రసముద్రం మళ్లీ వేడెక్కింది. హూతీ వేర్పాటువాదులు దూకుడు పెంచారు. బాలిస్టిక్ క్షిపణులతో బాబ్ ఎల్ మండేబ్ జలసంధి గుండా ప్రయాణించే వాణిజ్య నౌకలను భయపెడుతున్నారు. -
అప్పుడు ఆత్మహత్య చేసుకోవాలనుకున్నా: బైడెన్
అమెరికా అధ్యక్షుడు జో బైడెన్ ఒకానొక సమయంలో ఆత్మహత్య చేసుకోవాలనుకున్నారట. ఈ విషయాన్ని ఆయనే ఓ రేడియో ఇంటర్వ్యూలో తెలిపారు. -
అమెరికాలో ఘోర రోడ్డు ప్రమాదం
అమెరికాలోని సౌత్ కరోలినాలో ఘోర రోడ్డు ప్రమాదం జరిగింది. అత్యంత వేగంతో ప్రయాణిస్తున్న ఎస్యూవీ అదుపు తప్పి పల్టీలు కొట్టిన ఈ దుర్ఘటనలో భారత సంతతికి చెందిన ముగ్గురు మహిళలు దుర్మరణం పాలయ్యారు. -
కంబోడియా సైనిక స్థావరంలో పేలుడు
కంబోడియాలో ఓ సైనిక స్థావరంలో పేలుడు సంభవించి 20 మంది సైనికులు మృతి చెందారు. చాలా మందికి గాయాలయ్యాయి. -
‘అప్పుడు ఆత్మహత్య చేసుకోవాలనుకున్నా’: బైడెన్
అమెరికా అధ్యక్షుడు జో బైడెన్ (Joe Biden) ఒక దశలో ఒంటరితనాన్ని అనుభవించారట. చనిపోవాలనే ఆలోచన కూడా వచ్చిందని ఆయన చెప్పారు.
తాజా వార్తలు (Latest News)
-
పెళ్లి శుభలేఖపై పెంపుడు శునకాల పేర్లు
-
ఏపీలో స్టాంపు పేపర్లుండవు.. ఇక జిరాక్స్ కాపీలే!
-
సమాధాన పత్రాల్లో ‘జై శ్రీరాం’, క్రికెటర్ల పేర్లు.. ఉత్తీర్ణులు చేసిన ఆచార్యుల తొలగింపు
-
అప్పలరాజును చిత్తుగా ఓడించాలి: ఎంపీ రామ్మోహన్నాయుడు
-
ఆకలేస్తోంది.. దోశ తినేసి వస్తా.. శస్త్రచికిత్స మధ్యలో ఆపేసిన వైద్యుడు
-
వైకాపా మ్యానిఫెస్టో తుస్సుమంది: గంటా