ఐదు మృతదేహాలతో ఓస్ప్రే విమాన శకలం లభ్యం

మరో ఇద్దరి కోసం సముద్రంలో గాలిస్తున్న అమెరికా, జపాన్‌ బృందాలు

టోక్యో: జపాన్‌ తీరానికి చేరువలో కూలిన అమెరికా వాయుసేన విమానం ‘సీవీ-22 ఓస్ప్రే’కు చెందిన శకలాలు, అందులో గల్లంతైన ఐదుగురి మృతదేహాలు లభ్యమైనట్లు సహాయ సిబ్బంది సోమవారం పేర్కొన్నారు. ఆచూకీలేని మరో ఇద్దరు బాధితుల కోసం గాలింపు కొనసాగుతున్నట్లు తెలిపారు. సాధారణ శిక్షణలో భాగంగా 8 మంది సిబ్బందితో బయల్దేరిన ఒస్ప్రే విమానం గత బుధవారం జపాన్‌లోని యకుషిమా దీవికి చేరువలో సముద్రంలో కూలిపోయింది. ఆ తర్వాత.. వారిలో ఒకరి మృతదేహం లభ్యమైంది. మిగతా వారి కోసం నాటి నుంచి గాలింపు జరుగుతోంది. అమెరికా, జపాన్‌ డైవర్లు ఇందులో పాలుపంచుకుంటున్నారు. ప్రమాదానికి గురైన విమానానికి సంబంధించిన ముందు భాగాన్ని సోమవారం గుర్తించారు. అందులో ఐదుగురి మృతదేహాలు ఉన్నట్లు అధికారులు తెలిపారు.