అమెరికాలోని ఓ ఇంట్లో కాల్పులు

నిందితుడు సహా అయిదుగురి మృతి!

ఆర్కాడ్స్‌: అమెరికాలోని వాషింగ్టన్‌ రాష్ట్రంలో తుపాకీ కాల్పులకు అయిదుగురు ప్రాణాలు కోల్పోయారు. ఇక్కడి క్లార్క్‌ కౌంటీలోని ఒక ఇంట్లో చోటు చేసుకున్న ఈ ఘటనలో నిందితుడు కూడా మరణించి ఉండొచ్చని పోలీసులు భావిస్తున్నారు. ఆదివారం మధ్యాహ్నం మృతుల బంధువుల్లో ఒకరికి ఘటన జరిగిన ఇంటి నుంచి ఫోన్‌ వచ్చింది. ఇంట్లో ఉన్నవారందరినీ తుదముట్టిస్తానని దుండగుడు ఫోన్‌లో హెచ్చరించాడు. సమాచారం అందుకున్న పోలీసులు ఫోన్‌ వచ్చిన ఇంటికి చేరుకున్నారు. ఒక డ్రోన్‌ను లోపలకు పంపగా.. అక్కడ ఉన్న అయిదుగురూ నేలపై పడి ఉన్నట్లు గుర్తించారు. వెంటనే వైద్య సిబ్బందితో లోపలికి వెళ్లగా అప్పటికే అందరూ మరణించారు. నిందితుడు తొలుత అందరినీ చంపి, ఆ తర్వాత ఆత్మహత్య చేసుకున్నట్లు పోలీసులు భావిస్తున్నారు.