బీబీసీ ఛైర్మన్‌గా సమీర్‌ షా

లండన్‌: బ్రిటిష్‌ బ్రాడ్‌కాస్టింగ్‌ కార్పొరేషన్‌ (బీబీసీ) ఛైర్మన్‌ పదవికి భారత్‌లో జన్మించిన డాక్టర్‌ సమీర్‌ షా (71)ను ప్రభుత్వం ఎంపిక చేసింది. జర్నలిజం, టీవీ కార్యక్రమాల నిర్మాణంలో 40 ఏళ్ల అనుభవం ఉన్న డాక్టర్‌ షా స్వతంత్ర టీవీ, రేడియా కార్యక్రమాల సంస్థ జూనిపర్‌ సీఈవో కూడా. ఇంతకుముందు బీబీసీలో వివిధ హోదాల్లో ఈయన పనిచేశారు. బీబీసీ రాజకీయంగా స్వతంత్ర సంస్థ అయినా, దాని ఛైర్మన్‌ను ప్రభుత్వమే నిర్ణయిస్తుంది. సమీర్‌ షా వంటి పాత్రికేయుడిని ఈ పదవిలో నియమించడం ఇదే ప్రథమం. మహారాష్ట్రలోని ఛత్రపతి శంభాజీనగర్‌ (ఔరంగాబాద్‌)లో 1952లో సమీర్‌ షా జన్మించారు. తల్లి ఉమ ఆయన్ను తీసుకొని 1960లో లండన్‌ వెళ్లి స్థిరపడ్డారు. షా కుటుంబం బాలీవుడ్‌ సినిమాలు నిర్మించేది.