వంధ్యత్వంతో క్యాన్సర్‌ ముప్పు

దిల్లీ: వంధ్యత్వంతో బాధపడుతున్న పురుషులతో పాటు వారి కుటుంబాలు వివిధ క్యాన్సర్ల బారిన పడే ప్రమాదం అధికమని అమెరికాలో పరిశోధకులు కనుగొన్నారు. అసలు వీర్యకణాలే ఉత్పత్తి కాని పురుషులనూ, చాలా తక్కువ వీర్యాన్ని ఉత్పన్నం చేసే పురుషులనూ వీరు పరిశీలించారు. వీర్యం బొత్తిగా ఉత్పన్నం కాకపోతే ఎజూ స్పెర్మియా అంటారు. ఇలాంటి పురుషుల కుటుంబాల్లో ఎముకలు, కీళ్ల క్యాన్సర్‌ ప్రమాదం 156 శాతం ఎక్కువ. వీరిలో లింఫ్‌, మృదు కణజాల, థైరాయిడ్‌ క్యాన్సర్ల ప్రమాదం వరుసగా 60, 56, 54 శాతం పెరుగుతుంది. మిల్లీమీటరు వీర్యంలో 15 లక్షలకన్నా తక్కువ వీర్యకణాలుంటే ఎముకలు, కీళ్ల క్యాన్సర్‌ ప్రమాదం 143 శాతం, వృషణ క్యాన్సర్‌ ప్రమాదం 134 శాతం ఎక్కువ.