తూచ్‌.. రిగ్గింగ్‌ జరగలేదు

మాట మార్చిన పాక్‌ ఎన్నికల అధికారి

ఇస్లామాబాద్‌: పాకిస్థాన్‌ ఎన్నికల్లో రిగ్గింగ్‌ జరిగిందని తీవ్ర ఆరోపణలు చేసి సంచలనం సృష్టించిన రావల్పిండి ఎన్నికల అధికారి లియాఖత్‌ అలీ మాట మార్చారు. ఇమ్రాన్‌ ఖాన్‌ పార్టీ తనకు పదవి ఆశ చూపడంతో తప్పుడు ఆరోపణలు చేశానని పేర్కొన్నారు. రావల్పిండిలో 13 మంది ఎంపీల ఎన్నికల్లో రిగ్గింగ్‌ జరిగిందని, అందుకు నైతిక బాధ్యత వహిస్తూ రాజీనామా చేస్తున్నానని లియాఖత్‌ గత శనివారం ప్రకటించారు. ఆయన మీడియా సమావేశంలో ఉండగానే పోలీసులు వచ్చి అరెస్టు చేశారు. గురువారం ఆయన మాట మార్చారు.