ముఖ్య సలహాదారులపై జెలెన్‌స్కీ వేటు

కీవ్‌: ఉక్రెయిన్‌ అధ్యక్షుడు జెలెన్‌స్కీ శనివారం తన చిరకాల సహచరుడు సెర్హి షెఫీతో పాటు.. కీలక పదవుల్లోని కొందరు ముఖ్యులను తొలగించారు. 2019 నుంచి షెఫీ.. ఫస్ట్‌ అసిస్టెంట్‌ పోస్టులో పనిచేస్తున్నారు. దీంతో పాటు ముగ్గురు సలహాదారులపైనా జెలెన్‌స్కీ వేటు వేశారు. ఇద్దరు అధ్యక్ష ప్రతినిధులనూ తప్పించారు. ఈ నిర్ణయాలను ఎందుకు తీసుకోవాల్సి వచ్చిందన్న విషయంపై ఆయన వివరణ ఇవ్వలేదు. గత కొన్నాళ్లుగా ఉక్రెయిన్‌ అధ్యక్షుడు తన అధికార యంత్రాంగంలో మార్పులు చేస్తున్నారు. తాజా మార్పులు తీవ్ర ప్రభావం చూపే అవకాశం ఉందని విశ్లేషకులు భావిస్తున్నారు. మంగళవారం నేషనల్‌ సెక్యూరిటీ, డిఫెన్స్‌ కౌన్సిల్‌ సెక్రటరీగా పనిచేసిన ఒలెక్సీ డానిలోవ్‌ను జెలెన్‌స్కీ తొలగించారు. గత 24 గంటల్లో రష్యా.. 75 వైమానిక దాడులు తూర్పు ఉక్రెయిన్‌పై చేసింది. 38 క్షిపణులు, 98 రాకెట్లు 12 డ్రోన్లను ప్రయోగించింది.