ఇమ్రాన్‌ దంపతులకు భారీ ఊరట

‘తోషాఖానా’ కేసులో 14 ఏళ్ల జైలుశిక్ష నిలుపుదల

ఇస్లామాబాద్‌: వివిధ కేసుల్లో జైలు జీవితం గడుపుతున్న పాకిస్థాన్‌ మాజీ ప్రధాని ఇమ్రాన్‌ఖాన్‌కు భారీ ఊరట లభించింది. తోషాఖానా అవినీతి కేసులో ఇమ్రాన్‌తో పాటు ఆయన భార్య బుష్రా బీబీకి కింద కోర్టు విధించిన చెరో 14 ఏళ్ల జైలుశిక్షలను నిలుపుదల చేస్తూ సోమవారం ఇస్లామాబాద్‌ హైకోర్టు తాత్కాలిక బెయిల్‌ ఉత్తర్వులు జారీ చేసింది. అయినా వీరిద్దరూ జైలు నుంచి విడుదలయ్యే అవకాశం లేదు. ‘ఇద్దత్‌’ కేసులో వీరికి చెరో ఏడేళ్ల జైలు శిక్ష పడింది. గూఢచర్య ఆరోపణల కేసులోనూ ఇమ్రాన్‌ పదేళ్ల జైలు శిక్షను అనుభవిస్తున్నారు.